flugfréttir
Ónýt og óflughæf Sukhoi-þota til sölu á uppboði
- Afskrifuð eftir óhapp í lendingu árið 2018
21. nóvember 2021
|
Frétt skrifuð kl. 17:35
Þotan var afskrifuð eftir að hún fór út af braut í lendingu á flugvellinum í borginni Yakutsk í Rússlandi
Farþegaþota af gerðinni Sukhoi Superjet 100 verður seld á uppboði í Rússlandi á næstunni en þotan er skemmd eftir óhapp sem átti sér stað í lendingu árið 2018 á flugvellinum í rússnesku borginni Yakutsk og var flugvélin eftir það afskrifuð sem ónýt í kjölfarið.
Þotan var afhent ný árið 2012 til rússneska flugfélagsins Yakutia Airlines og flaug þotan í flota
félagsins í sex ár þar til í október árið 2018 er hún rann út af braut í lendingu og rakst utan
í hindranir og aðflugsmöstur með þeim afleiðingum að alvarlegar skemmdir urðu á lendingarbúnaði
vélarinnar.
Við rannsókn á atvikinu kom í ljós að flugumferðarstjórar gáfu flugmönnum upp rangar
upplýsingar varðandi bremsuskilyrði á brautinni. Ísing var á flugbrautinni og hafði flugvélin
ekki nægilega getu til þess að bremsa.
Flugvélin er ekki flughæf en er að öðru leiti heil og hefur því verið ákveðið að selja hana
á uppboði hjá rússneska uppboðsfyrirtækinu RAD með lágmarksboð upp á eina milljón bandríkjadali eða sem samsvarar 131 milljón króna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
