flugfréttir
Syðri flugstöðin á Gatwick opnar aftur eftir 21 mánaða lokun
Frá Gatwick-flugvellinum í London
Búið er að taka aftur í notkun syðri flugstöðina á Gatwick-flugvellinum í London, South Terminal, en henni var lokað fyrir 21 mánuði síðan vegna heimsfaraldursins.
Flugstöðin var tekin úr notkun í júní árið 2020 þar sem að farþegaflug hafði nánast
lamast og eftirspurn eftir flugsætum datt niður í það lægsta sem sást hafði í mörg ár.
Í kjölfar þess að búið er að opna aftur syðri flugstöðina þá hafa skapast um 5.000
ný störf í tengslum við opnunina og þarf flugvöllurinn sjálfur að ráða um 400 starfsmenn.
„Þetta er stór áfangi, ekki bara fyrir Gatwick-flugvöll heldur einnig fyrir allan flugiðnaðinn“,
segir Robert Courts, ráðherra flug- og siglingamála og almannaöryggis í bresku ríkisstjórninni.
Takmörkunum var aflétt í Bretlandi þann 18. mars sl. og er séð fram á mikla
eftirspurn eftir flugi í sumar á Gatwick-flugvelli og verður hægt að fljúga þaðan
til 30 fjarlægra áfangastaða í langflugi.
Til að mynda hefur British Airways aukið umsvif sín ásamt easyJet sem verður
með 79 þotur staðsettar á Gatwick-flugvelli sem munu fljúga 120 flugleiðir um flugvöllinn.
Þess má geta að töluverður skortur hefur verið á starfsfólki á breskum flugvöllum að undanförnu
þar sem eftirspurnin eftir millilandaflugi hefur aukist til muna sem hefur valdið því að miklar raðir hafa myndast við vopnaleit, landamæraeftirlit og við innritun.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.