flugfréttir

Talið að sígaretta í stjórnklefa hafi valdið EgyptAir-flugslysinu

- Airbus A320 þota fórst yfir Miðjarðarhafi árið 2016 vegna elds um borð

27. apríl 2022

|

Frétt skrifuð kl. 19:06

Staðsetning á öskubakka í stjórnklefa á Airbus A319 þotu (samsett mynd)

Franskir flugslysasérfræðingar, sem hafa birt nýja skýrslu, telja að flugslys sem átti sér stað árið 2016 er farþegaþota af gerðinni Airbus A320 frá egypska flugfélaginu EgyptAir fórst yfir Miðjarðarhafi megi að öllum líkindum rekja til þess að annar flugmaðurinn hafi verið að reykja í stjórnklefanum og sígaretta hafi komið af stað eldi um borð.

Flugslysið var eitt það mannskæðasta árið 2016 en þotan var á leið frá París til Kaíró og var þotan yfir Miðjarðarhafinu á milli Kýpir og norðurströnd Egyptalands þegar hún fórst með þeim afleiðingum að 66 um borð týndu lífi og komst engin lífs af.

Flugmenn vélarinnar lýstu yfir neyðarástandi vegna elds um borð og er vitað að reykskynjarar á einu salerni og í rafbúnaðarklefa undir farþegarýminu fóru í gang sem gaf til kynna merki um eld um borð í vélinni og sendi ACARS-búnaður vélarinnar einnig frá sér merki um reyk skömmu áður en þotan hvarf af ratsjá.

Vitað að orsökin hafi verið eldur en upptök hans hafa vegið ókunn

Flugslysasérfræðingar töldu upphaflega að bilun hafi ollið flugslysinu á meðan sérfræðingar í Egyptalandi töldu að um hryðjuverk hefði verið að ræða en lokaskýrsla var gefin út árið 2018 þar sem orsök slyssins var talin vera vegna elds í stjórnklefanum en ekki var tilgreint hver eldsupptökin voru.

Saksóknari í Frakklandi fór fram á að ítarlegri greinargerð yrði framkvæmd til þess að varpa ljósi á eldsupptökin og voru sérfræðingar í Frakklandi og á Ítalíu fengnir til þess að komast að niðurstöðu varðandi hvað olli eldinum.

Þotan sem fórst bar skráninguna SU-GCC

Hópur sérfræðinga áttu 23 fundi sem fram fóru frá ágúst í fyrra til febrúar á þessu ári eftir að hafa farið aftur yfir flugrita vélarinnar og gáfu þeir frá sér skýrslu upp á 134 blaðsíður þar sem niðurstaðan er sú að annar flugmannanna hafi verið að reykja sígarettu í stjórnklefanum.

Greint er frá því að leki hafi verið í súrefnisgrímum flugmannanna á meðan að þær voru í hólfum sínum og er stuðst við hljópupptöku úr hljóðrita þotunnar þar sem heyrist hljóð koma frá grímunum sem gaf til kynna mikið súrefnisflæði.

Fram kemur að flugvirki hafði skipt um súrefnisgrímur flugmannanna þremur dögum fyrir flugslysið en hann hafði óvart skilið ventil eftir í neyðarstöðu og hefur Airbus greint frá því að grímurnar eigi til að leka séu þær stilltar á neyðarham sem eykur súrefnisflæðið í grímunum til muna.

Talið er að hið aukna súrefnisflæði hafi látið sígarettuna brenna upp hraðar og glóðin komið af stað eldi um borð sem flugmennirnir hafi ekki náð að ráða við.

Yfirvöld í Egyptalandi hafa allar götur síðan talið að hryðjuverk hafi verið orsök þess að þotan fórst ofan í Miðjarðarhaf og neituðu egypsk stjórnvöld til að mynda að starfa með flugslysasérfræðingum í Frakklandi á þeim tíma sem rannsóknin stóð yfir og birti egypska rannsóknarnefndin aldrei neina skýrslu um slysið.

Saksóknari í Egyptalandi birti hinsvegar greinargerð árið 2018 þar sem hann taldi það vera rétt að eldur í stjórnklefa hafi sennilega verið orsökin.







  fréttir af handahófi

Embraer býður upp á að breyta E190 og E195 í fraktþotur

7. mars 2022

|

Brasilíski flugvélaframleiðandinn Embraer hefur hrint úr vör verkefni þar sem til stendur að bjóða upp á breytta fraktútgáfu af Embraer E190 og E195 þotunum þar sem þessum farþegaþotum verður hægt að

A220 þotan í söluferðalagi um Suður-Ameríku

11. apríl 2022

|

Airbus reynir nú að markaðssetja Airbus A220 þotuna í Suður-Ameríku og hefur ein slík þota, í litum SWISS International Air Lines, verið send til Suður-Ameríku þar sem hún mun túra um álfuna í 3 viku

Möguleiki að sækja risaþotur úr geymslu til að anna eftirspurn

5. maí 2022

|

Lufthansa segir að mögulega gæti risaþotan Airbus A380 bjargað félaginu að hluta til úr þeim vanda sem félagið, líkt og mörg önnur flugfélög standa frammi fyrir í sumar, er kemur að starfsmannaskorti

  Nýjustu flugfréttirnar

Ætla bjóða í ITA Airways og selja hlut í Lufthansa Technik

25. maí 2022

|

Lufthansa Group er sagt ætla að gera tilboð í ítalska flugfélagið ITA Airways og vonast flugfélagasamsteypan þýska til þess að kaupa 20 prósent í ítalska flugfélaginu en á móti stefnir Lufthansa Grou

IAG pantar allt að 150 Boeing 737 MAX þotur

20. maí 2022

|

Flugfélagasamsteypan IAG (International Airlines Group) hefur staðfest pöntun í allt að 150 farþegaþotur af gerðinni Boeing 737 MAX.

Verkalýðsfélög styðja samruna Spirit og Frontier

19. maí 2022

|

Verkalýðsfélög starfsmanna hjá flugfélögum í Bandaríkjunum hafa lýst yfir stuðningi við samruna Spirit Airlines og Frontier Airlines og hafa með því lýst yfir áhyggjum sínum ef Spirit Airlines hyggst

London City ætlar að verða fyrsti kolefnalausi flugvöllur heims

18. maí 2022

|

London City flugvöllurinn stefnir á að verða fyrsti flugvöllurinn í heimi til að verða að öllu kolefnalaus og það fyrir árið 2030.

Aeroflot kaupir átta breiðþotur af erlendri flugvélaleigu

17. maí 2022

|

Rússneska flugfélagið Aeroflot hefur keypt átta farþegaþotur í flotanum sem áður voru í eigu erlends flugvélaleigufyrirtækis.

Jetblue með nýtt tilboð í Spirit

17. maí 2022

|

Bandaríska lágfargjaldafélagið Spirit Airlines hefur ekki endanlega útilokað yfirtökutilboð Jetblue en félagið hefur komið með annað tilboð í félagið og hefur Spirit Airlines ákveðið að fara yfir það

Helmingur af risaþotum Emirates komin aftur í rekstur

13. maí 2022

|

Yfir helmingurinn af öllum Airbus A380 risaþotum Emirates hafa snúið aftur í flotann eftir heimsfaraldurinn en á sama tíma hefur Emirates tekið aftur í notkun allar Boeing 777 þoturnar.

Opið fyrir umsóknir í einka- og atvinnuflugnám hjá Flugakademíu Íslands

13. maí 2022

|

Flugakademía Íslands hefur opnað fyrir umsóknir í einkaflugnám, samtvinnað og áfangaskipt atvinnuflugnám en námið hefst haustið 2022 og er umsóknarfrestur til 29. júlí.

Rafmagnsflugvél sem tekur 44 farþega á markað árið 2030

12. maí 2022

|

Hollenska fyrirtækið Venturi Aviation er staðráðið í að koma með á markað rafmagnsflugvél sem tekur 44 farþega fyrir árið 2030.

Farþegi lendir Cessna Caravan eftir að flugmaðurinn veiktist

11. maí 2022

|

Farþega einum tókst giftusamlega að lenda lítilli flugvél í Flórída í gær eftir að flugmaður vélarinnar veiktist skyndilega í miðju flugi.