flugfréttir
Airbus A330neo þota nýmáluð í litum Air Greenland
4. ágúst 2022
|
Frétt skrifuð kl. 18:52
Air Greenland á von á að fá Airbus A330-800 breiðþotuna afhenta fyrir lok þessa árs
Lokið hefur verið við að mála fyrstu Airbus A330neo breiðþotuna fyrir Air Greenland en þotunni var ýtt út úr málningarsalnum í Toulouse á dögunum.
Þotan er af gerðinni Airbus A330-800 og er henni ætlað að leysa af hólmi þá A330-200
breiðþotuna sem Air Greenland hefur haft í flota sínum en sú þota var smíðuð árið 1998.
Flugfélagið grænlenska pantaði A330-800 þotuna í desember árið 2020 og verður hún afhent í lok þessa árs og mun hún nær eingöngu verða notuð í áætlunarflugi til Danmerkur.
Airbus á eftir að smíða ellefu aðrar A330-800 þotur sem er minni gerðin af Airbus A330neo þotunni en langflest flugfélögin hafa pantað stærri gerðina, A330-900.
Önnur flugfélög sem eiga von á Airbus A330-800 breiðþotunni eru Kuwait Airways, Garuda Indonesia og Uganda Airlines og er þegar búið að afhenda fjórar þotur af þessari gerð, tvær til Kuwait Airways og hinar tvær til Uganda Airlines.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
