flugfréttir
United íhugar að hætta öllu flugi um JFK í New York
- Fá ekki úthlutað varanlegum afgreiðsluplássum
7. september 2022
|
Frétt skrifuð kl. 22:12
Boeing 777 þota frá United Airlines í lendingu á JFK-flugvellinum í New York
United Airlines hefur varað við því að flugfélagið gæti hætt öllu áætlunarflugi um John F. Kennedy flugvöllinn í New York í lok október vegna skorts á varanlegum afgreiðsluplássum á flugvellinum.
United Airlines sendi frá sér skilaboð til starfsmanna sinna í gær þar sem fram kemur að stjórn félagsins
íhugi að draga sig til hlés á New York JFK og væri það þá mjög erfið ákvörðun ef af því verður.
Það yrði þó ekki í fyrsta skiptið sem United Airlines hættir öllu flugi um JFK-flugvöllinn en árið 2015
hætti félagið að nota flugvöllinn og færði allt millilandaflug yfir á Newark-flugvöllinn í New Jersey.
Í febrúar árið 2021, þegar kórónaveirufaraldurinn var í hæstu hæðum, fékk United Airlines úthlutað
tímabundnum plássum sem önnur flugfélög höfðu til afnota en í dag, þegar eftirspurnin er öll að koma
til baka, hefur United Airlines átt í erfiðleikum með að fá varanleg afgreiðslupláss.
„Án varanlegra plássa þá getum við ekki þjónað JFK-flugvellinum og erfiðlega mun ganga að gera
flugáætlanir fram í tímann og halda í samkeppnina við önnur flugfélög“, segir í tilkynningu.
United Airlines hefur ítrekað sent beiðni til bandarískra flugmálayfirvalda (FAA) um að fá úthlutað varanlegum plássum á New York JFK en án árangurs.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
