flugfréttir
Air India tekur aftur í notkun Boeing 777-200LR þotur
- Stækka flugflotann - 30 þotur væntanlegar fram á næsta vor
12. september 2022
|
Frétt skrifuð kl. 12:25
Air India hafði áður Boeing 777-200LR þotur í flotanum en hætti með þær kringum árið 2015
Indverska flugfélagið Air India ætlar að innleiða 30 farþegaþotur á næstu mánuðum í tengslum við aukin umsvif eftir heimsfaraldurinn.
Flugfélagið indverska ætlar að taka á leigu fimm langdrægar Boeing 777-200LR breiðþotur og 25 þotur úr A320neo fjölskyldunni.
Fyrstu þoturnar verða teknar í notkun seint á þessu ári og er um að ræða viðamestu stækkun á flugflota hjá Air India
síðan að félagið Tata Group tók við rekstri flugfélagsins en flotinn mun við þetta stækka um 25 prósent.
Fyrstu Boeing 777-200LR þoturnar koma í flotann í desember og verða þær síðustu afhentar í mars á næsta ári en
þær verða meðal annars notaðar í áætlunarflugi frá Mumbai til New York og til San Francisco.
Air India hafði áður haft Boeing 777-200LR þoturnar í flota sínum en hætti með þær um miðjan seinasta áratug
í kjölfar efnahagskreppunnar árið 2008 auk þess sem hátt eldsneytisverð hafði mikil áhrif á rekstur þeirra.
Fyrstu þoturnar úr A320neo fjölskyldunni verða afhentar félaginu eftir áramót og er um að ræða fjórar Airbus A321neo
þotur sem félagið fær fyrst og þá verður 21 þota til viðbótar af þeirri gerð afhent með vorinu.
Air India hefur ekki gefið upp hvaða flugvélaleiga það er sem leigir þeim flugvélarnar þrjátíu en Champbell Wilson,
framkvæmdarstjóri flugfélagsins, segir að það sé mikil ánægja að loksins sé komið að því að umsvif Air India
fara að aukast eftir stöðnun í vexti í nokkur ár.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
