flugfréttir
Framkvæmdastjóri Schiphol segir starfi sínu lausu
Miklar biðraðir hafa myndast við Schiphol-flugvöllinn sem hafa náð út úr flugstöðvarbyggingunum
Dick Benschop hefur ákveðið að segja af sér sem framkvæmdarstjóri Schiphol-flugvallarins á sama tíma og flugvöllurinn glímir við gríðarleg vandræði er kemur að daglegum rekstri en ekki er séð fyrir endann á þeim annmörkum sem hafa verið frá því fyrr í sumar.
Benschop mun vera framkvæmdarstjóri áfram þar til búið er að finna annan til að taka
við stöðunni í hans stað. Þessi tilkynning kemur aðeins nokkrum dögum eftir að Schiphol-flugvöllurinn
bað flugfélög um að aflýsa og draga úr áætlunarflugi til flugvallarins vegna skorts á starfsfólki.
„Það hefur fengið mikla athygli og vakið upp neikvæða umræðu hvernig Schiphol-flugvöllurinn
hefur tekið á þessum vanda og hvernig ég axla ábyrgð sem framkvæmdarstjóri og það er
mitt frumkvæði að afhenda ábyrgðina í hendur á einhverjum öðrum og gefa Schiphol-flugvellinum
tækifæri á að hefja nýtt upphaf“, segir Benschop.
Líkt og margir aðrir flugvellir í Evrópu hefur það reynst gríðarlega krefjandi fyrir Schiphol
að anna þeim fjölda farþega sem hafa farið um flugvöllinn í sumar og hefur verið gripið til þess
ráðst að biðja flugfélög að draga úr flugi til Amsterdam til þess að auka áreiðanleika og draga
úr töfum.
Jaap Winter, forstjóri flugvallarins, segir að stjórn Schiphol hafi verið í miklum samskiptum
við rekstardeildina og telur hann að enn frekari aðgerða er að vænta á næstunni.
Winter bætir við að það sé mjög mikilvægt að Schiphol-flugvöllur geti boðið upp á góða þjónustu
bæði við farþega og flugfélög, líkt og flugvöllurinn hefur verið þekktur fyrir.
Þess má geta að í ágúst sl. fóru 5.3 milljónir farþega um Schiphol-flugvöll sem er 79% af þeim
farþegafjölda sem fór um völlinn í ágúst árið 2019 fyrir tíma heimsfaraldursins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.