flugfréttir
Airbus A320neo þota lenti með 200 kíló eftir af eldsneyti
- Flokkað sem alvarlegt flugatvik
31. október 2022
|
Frétt skrifuð kl. 09:11
Atvikið átti sér stað þann 17. október síðastliðinn
Farþegaþota af gerðinni Airbus A320neo frá kólumbíska flugfélaginu VivaColombia lenti á dögunum á flugvelli í Kólumbíu með aðeins 200 kíló eftir af eldsneyti.
Atvikið átti sér stað þann 17. október síðasliðinn og var þotan
í áætlunarflugi frá Cali til borgarinnar Riohacha en þegar flugvélin
var í lækkun í 18.000 feta hæð hættu flugmennirnir við aðflugið
og fóru í biðflug í hálftíma vegna þrumuveðurs.
Því næst hækkaði flugvélin flugið upp í fluglag FL370 og var ákveðið
að víkja af leið og halda til Medellin en flugmennirnir ákváðu
aftur að hætta við aðflug þegar þotan var í lækkun í 15.000 fetum.
Flugmennirnir hækkuðu flugið upp í 21.000 fet og lýstu yfir
neyðarástandi og var ákvaðið að halda til borgarinnar Monteira
þar sem flugvélin lenti loksins um 2:15 klukkustundum eftir að
hætt var við aðflugið fyrst að Riohacha.
Stöðuna á því eldsneyti, sem eftir var eftir lendingu, má sjá á skjánum
Fram kemur að aðeins voru 100 kíló eftir af eldsneyti í vinstri
eldsneytistanki vélarinnar og 110 kíló í þeim hægri.
Í tilkynningu frá VivaColombia kemur fram að flugmennirnir
hafi hætt við aðflugið að Riohacha vegna veðurs og haldið
þess í stað til Medellin en einnig var hætt við aðflugið þar
vegna veðurs og var því haldið til Monteira þar sem þotan
lenti heil á höldnu.
Kólumbísk flugmálayfirvöld segja að þotan hafi lent
með 282 kíló eftir af eldsneyti og þegar slökkt hafi verið á
hreyflum þotunnar hafi 236 kíló verið eftir. Fram kemur
að atvikið sé flokkað sem mjög alvarlegt flugatvik.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
