flugfréttir
Fara fram á sérstaka eldvörn við varaeldsneytistank á A321XLR
Airbus A321XLR mun verða langdrægasta farþegaþota heims í flokki þeirra sem koma með einum gangi
Bandarísk flugmálayfirvöld (FAA) hafa farið fram á að komið verði fyrir sérstakri eldvörn nálægt viðbótareldsneytistanknum á nýju Airbus A321XLR þotunum.
Eldsneytistankurinn er mjög mikilvægur svo að A321XLR geti náð því flugdrægi sem ætlast er til
að hún nái en eldsneytistankurinn er staðsettur í afturhluta þotunnar, undir farþegarýminu.
Í yfirlýsingu frá FAA segir að þar sem eldsneytistankurinn sé skorðaður af við skrokk þotunnar
sé ekki nein hefðbundin einangrun utan um tankinn og segir að þessi hönnun hafi ekki verið gerð
í samráði við öryggiseftirlitsaðila.
„Það hefur sýnt sig að það er viss hætta til staðar ef eldur kemur upp í eldsneyti sem hefur hellst eða
lekið úr tönkum vegna skemmda eða höggs og sérstaklega þegar það gerist svo nálægt
farþegarýminu séu viðbótartankar staðsettir undir þeim“, segir í yfirlýstingu frá FAA sem tekur
fram að álklæðning í skrokknum veitir litla vörn er kemur að eldsvoða.
Fram kemur að hita- og hljóðeinangrun geti tafið fyir eldsvoða í nægilega langan tíma svo að hægt verði að bregðast við með viðeigandi hætti og rýma flugvélina.
Airbus A321XLR mun verða langdrægasta farþegaþota heims í flokki þeirra sem koma með einum gangi en meðal þeirra flugfélaga sem hafa pantað A321XLR eru American Airlines, Frontier Airlines, jetBLue, United Airlines, Wizz Air, Air Arabia auk fleiri flugfélaga.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.