flugfréttir
Horizon hættir með De Havilland Dash 8
De Havilland Dash 8-400 flugvél frá Horizon Air
Horizon Air, dótturfélag Alaska Air Group, hefur formlega hætt með De Havilland Dash 8-400 flugvélarnar sínar og var síðasta áætlunarflugið flogið fyrr í þessum mánuði.
Til stóð að hætta með Dash 8 flugvélarnar síðar á þessu ári en ákveðið var að
flýta því ferli og hefur Horizon Air því í dag eingöngu flugvélar af gerðinni
Embraer 175 og eru 33 slíkar þotur í flotanum.
Á sama tíma hefur systurfélagið Alaska Airlines hætt með allar þær Airbus A320
þotur sem félagið tók yfir við samruna félagsins við Virgin America árið 2018 en
félagið hefur enn tíu Airbus A321neo þotur í flotanum og stendur til að þær
fari einnig úr flotanum síðar á þessu ári.
Horizon Air hefur haft De Havilland Dash 8-400 flugvélarnar í flotanum frá því árið
2001 en fyrsta flugvélin frá De Havilland Canada kom í flota Horizon Air
árið 1985 og var hún af gerðinni De Havilland Canada Dash 8-100.
Í dag er það kanadíska flugfélagið WestJet Encore sem hefur flestar De Havilland Dash 8-400 flugvélar en það félag hefur 47 flugvélar af þeirri gerð í flota sínum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.