flugfréttir
FAA fer fram á 25 tíma upptöku úr hljóðritum
- Sex sinnum hafa stórar flugvélar farið mjög nálægt hvor annarri á þessu ári
Sex alvarleg tilvik hafa orðið vestanhafs á þessu ári þar sem stórar farþegaflugvélar fóru hættulega nálægt hvor annarri
Bandarísk flugmálayfirvöld (FAA) hafa ákveðið að innleiða reglugerð sem fer fram á að hljóðriti um borð í flugvélum varðveiti upptökur í 25 klukkustundir áður en ritað er yfir þær aftur.
Þessi ákvörðun var tekin í ljósi fjölda brautaátroðninga að undanförnu í Bandaríkjunum og var ákvörðunin tekin einum degi eftir flugöryggisráðstefnu sem fram fór í Washington.
Í dag varðveita flestir hljóðritar upptökur í 2 klukkustundir og nefndi Jennifer Homendy yfirmaður samgönguöryggisnefndar Bandaríkjanna (NTSB) að svo stuttur tími sé óviðunandi.
Nokkur atvik hafa átt sér stað að undanförnu þar sem tvær farþegaflugvélar hafa farið hættulega nálægt hvor annarri þar sem ein flugvél hefur verið að lenda á sama tíma og önnur hefur verið í flugtaki á sömu braut.
Með því að varðveita hljóðupptökur í lengri tíma en tvær klukkustundir má nálgast þær og styðjast við samtal flugmannanna við rannsókn á atvikum sem þessum í stað þess að hljóðritinn taki aftur yfir þann hluta sem glatast eftir tvo tíma.
Homendy segir að sex alvarleg tilfelli hafa átt sér stað vestanhafs á þessu ári þar sem stórar farþegaflugvélar áttu hlut að máli og í öllum atvikunum var búið að endurrita þann hluta upptökunnar sem skipti máli.
Homendy benti á að flugmálayfirvöld í Evrópu hafa nú þegar verið með kvöð um 25 tíma upptöku í gildi í meira en ár en í Bandaríkjunum er enn verið að bíða eftir aðgerðum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.