flugfréttir
Vilja að A321XLR fái sömu samþykkt og A321neo hjá FAA fyrir neyðarlækkun
13. apríl 2023
|
Frétt skrifuð kl. 12:02
Airbus A321XLR þotan
Airbus hefur beðið bandarísk flugmálayfirvöld (FAA) um leyfi til þess að samþykkja sömu eiginleika fyrir Airbus A321XLR þotuna er kemur að snöggri lækkun í neyðartilfellum og gildir fyrir A321neo þotuna þrátt fyrir að loftaflfræðilega sé smávægilegur munur á A321XLR þotunni.
Samkvæmt tölum yfir afköst og eiginleika A321neo þotunnar kemur fram að sú þota
geti lækkað snögglega flughæð úr 39.800 fetum niður í 10.000 fet á 2,6 mínútum.
Airbus gerði hinsvegar smávægilegar breytingar á A321XLR þotunni með aukabúnaði
á skrokk og vængjum í þeim tilgangi að auka farflugshraða hennar en þrátt fyrir það þá eykst
heildarviðnám þotunnar um 0.7% samanborið við A321neo þotuna.
Er kemur að snöggri lækkun eykst viðnámið eilítið meira en Airbus telur að á heildina litið
þá séu mjög litlar líkur á því að viðnámið breyti tölunni það mikið í skyndilegri lækkun í neyðartilfellum
að ástæða sé til þess að gefa út aðra samþykkt en er skráð fyrir A321neo þotuna.
Airbus segir að A321XLR og A321neo séu með sömu flugstjórnareiginleika í neyðarlækkun,
sama þrýstingsstjórnkerfi, sömu hraðatakmörk í lækkun og sömu hreyfla og á þeim forsendum
eigi XLR tegundin að fá sömu gildi og samþykktir frá FAA líkt og A321neo er kemur
að reglugerðum varðandi þrýstingsjöfnun um borð.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
