flugfréttir

Segja að hvarf vélarinnar snúist um dularfulla frakt sem var um borð

- Tveir menn fundust látnir er þeir sáu um að vakta sendingu sem fór í vélina

3. maí 2014

|

Frétt skrifuð kl. 18:44

Möguleiki er á því að um borð í malasísku farþegaþotunni hafi verið frakt sem mátti alls ekki fara á leiðarenda

Spurningar hafa vaknað varðandi þá frakt sem var um borð í malasísku farþegaþotunni en komið hefur í ljós að um 2,2 tonn af varningi voru um borð í vélinni sem voru ekki á listanum sem birtur var með þeirri skýrslu sem gerð var opinber.

Malasísk yfirvöld birtu 5 blaðsíðna frumskýrslu um hvarf vélarinnar í vikunni og meðfylgjandi var listi yfir þá frakt sem sem fór í vélina en m.a. var gefið upp að um borð hafi verið 200 kíló af lithium-ion rafhlöðum ásamt 4,5 tonnumi af mangóávöxtum.

Ein sendingin, sem hefur vakið athygli, vó 2,4 tonn sem innihélt m.a. 200 kíló af lithium-ion rafhlöðum sem er eina vörulýsingin sem var birt varðandi þá sendinu og hafa margir spurt sig út í hin 2,2 tonnin sem ekki hafa verið skilgreind.

Fyrirtæki er kallast NNR Global Logistics er sendandi af 2,4 tonnum af varningi sem innihélt 200 kíló af rafhlöðum en hvorki sendandinn, né stjórnvöld, vilja gefa frekari upplýsingar um hinn hluta sendingarinnar sem vegur 2,2 tonn.

"Ég get ekki sagt meira um hvað hitt var sem var sent þar sem það er hluti af rannsókninni. Okkur var ráðlagt það af lögfræðingum að tala ekki um það", segir talsmaður NNR Global Logistics sem vildi heldur ekki segja hver væri framleiðandi af rafhlöðunum þar sem það væri trúnaðarmál.

Sagt er að um borð í vélinni hafi verið mikilvægur og dularfullur varningur ("highly suspicious cargo") sem mátti alls ekki komast á leiðarenda í Kína

Samkvæmt frétt sem birtist í mars í The Moscow Kremlin er haft eftir rússnesku leyniþjónustunni GRU að rússneksi flugherinn sé gáttaður á því hversvegna orrustuþotur bandaríska flughersins hefðu tekið yfir malasísku farþegaþotunni og fylgt henni af áætlaðri flugleið á leið sinni til Peking.

Sagt er að mjög mikilvægum varningi hefði verið komið fyrir í malasísku farþegaþotuna sem rekja mætti til Seychelles-eyja en varningnum var siglt til Malaysíu með bandaríska vöruflutningaskipinu MV Maersk Alabama, sem er sama skip sem rænt var undan ströndum Sómalíu árið 2009 sem margir kannast við í kjölfar kvikmyndarinnar "Captain Phillips".


Frá höfuðstöðvum rússnesku leyniþjónustunnar (GRU) í Moskvu

Rússnesku leyniþjónustunni GRU var kunnugt um þessa sendingu og vakti það grunsemdir að innan sólarhrings, frá því að varningnum var komið um borð í MV Maersk Alabama, kom í ljós að tveir sérþjálfaðir hermenn, sem áður stöfuðu fyrir bandaríska sjóherinn, sem voru ábyrgir fyrir sendingunni, fundust látnir um borð í skipinu.

Tveir fyrrum starfsmenn bandaríska sjóhersins, sem voru ábyrgðir fyrir sendingu sem fór um borð í flug MH370, fundust látnir um borð í vöruflutningaskip sem var á leið til Malaysíu

Hermennirnir tveir, Mark Daniel Kennedy (43 ára) og Jeffrey Keith Reynolds (44 ára), voru ráðnir til starfa til sjóhersins af öryggisfyrirtækinu The Trident Group í Vestur-Virginíu sem er í eigu sérsveitar bandaríska sjóhersins (SEAL) og segir rússneska leyniþjónustan GRU að fyrirtækið sjái meðal annars um öryggismál þegar verið er að flytja mikilvægan og verðmæta frakt milli landa og heimsálfa.



Í frétt CBSNews þann 24. febrúar kom fram að lögreglan á Seychelles-eyjum hafi tilkynnt að tveir fyrrum hermenn bandaríska sjóhersins hefðu fundist látnir um borð í vöruflutningaskipinu Maersk Alabama er það var á leið til Malaysíu en sagt var að talið væri að þeir hefðu látist vegna of stórs skammts af fíkniefnum og var sagt að í klefa þeirra hefðu fundist sprautunálar til heróin-neyslu en margir hafa efast um þær fregnir.

Þegar GRU komst að því að þessi sending væri á leið í flug MH370 gerðu rússnesk yfirvöld utanríkisráðuneyti Kína viðvart og lýstu yfir áhyggjum sínum að sennilega yrði allt gert til að þessi varningur kæmist ekki til skila á áfangastað. Óstaðfestar heimildir herma að Kína hafi ætlað að gera tilraun til að koma flugvélinni af leið og láta hana lenda á Haikou Meilan flugvellinum á Hainan-eyjunni sem er skammt undan strönd Kína.

Í skýrslu frá GRU segir að eitthvað hafi aðgerðin farið á aðra leið þar sem vélinni var flogið vestur á bóginn og hafi rússneska gervitunglið VKO, sem er í eigu rússneska hersins, rakið för vélarinnar þvert yfir Indlandshafið og alla leið til bandarísku herstöðvarinnar Diego Garcia í Indlandshafinu en upplýsingar úr því gervitungli hafa aldrei komið við sögu í rannsókninni á hvarfi vélarinnar.

Hvernig flugherinn náði að taka yfir vélinni, þá segir í skýrslu GRU, að þeim hafi tekist það með því að fjarstýra henni þar sem Boeing 777-200ER er útbúin "fly-by-wire" búnaði sem herflugvélar geti m.a. tekið yfir.

Möguleiki er á því að varningurinn, sem var um borð í vélinni, hafi tilheyrt 20 sérfræðingum, sem voru um borð í vélinni sem störfuðu fyrir tæknifyrirtækið Freescale sem hefur höfuðstöðvar í Texas sem framleiðir íhluti í hátæknivopn og einnig örflögur sem geta geymt mikið magn af upplýsingum sem varnamálastofnanir, ríkisstjórnir og leyniþjónustur geta nýtt sér.

Í dag eru 8 vikur síðan að malasíska farþegaþotan hvarf af ratsjá á leið sinni frá Kuala Lumpur til Peking. Sagt er að leitin að vélinni gæti tekið marga mánuði í viðbót og jafnvel ár.







  fréttir af handahófi

Flugmenn Thomas Cook boða til verkfalls

22. ágúst 2017

|

Samtök breskra atvinnuflugmanna (BALPA) hafa lýst því yfir að flugmenn hjá Thomas Cook Airlines hafi kosið um verkfallsaðgerðir með 88 prósent atkvæðum eftir atkvæðagreiðslu.

Virgin flaug flugmanni til vinnu til Manchester með Boeing 787

20. september 2017

|

Breska flugfélagið Virgin Atlantic neyddist til þess á dögunum að lenda Dreamliner-þotu sinni sérstaklega í Manchester á leið sinni frá London Heathrow til Boston til þess að ferja flugmann til Manch

Flugfélög búa sig undir fellibylinn Irmu

5. september 2017

|

Flugfélög búa sig nú undir komu fellibylsins Irma sem nálgast Karíbahafið en bæði Virgin Atlantic og British Airways hafa aflýst flugi frá Bretlandi til fjölda karabískra áfangastaða.

  Nýjustu flugfréttirnar

Talið að Lufthansa og easyJet muni eignast Air Berlin

23. september 2017

|

Sagt er að kröfuhafar og stjórnendur Air Berlin muni að öllum líkindum velja easyJet og Lufthansa sem nýja eigendur að rekstri og eigum félagsins sem varð gjaldþrota í ágúst.

„Þetta starf er ekki svo erfitt“ - Ætlar að ráða 125 nýja flugmenn

22. september 2017

|

Ryanair ætlar sér að ráða til starfa 125 nýja flugmenn á næstu tveimur vikum til að kom til móts við þann skort á flugmönnum sem upp er komin.

Rangt hitastig í FMC orsök þess að Boeing 737 hóf sig seint á loft

21. september 2017

|

Talið er að rangar upplýsingar um hitastig, sem settar voru inn í flugtölvu (FMC) á Boeing 737-800 þotu hjá Sunwing Airlines fyrir flugtak, hafi verið orsök atviks sem átti sér stað þann 21. júlí í s

Niki segir orðróm um gjaldþrot vera þvætting

21. september 2017

|

Austurríska lágfargjaldaflugfélagið Niki hefur vísað á bug orðrómi frá ferðaskrifstofu einni sem sagði að félagið væri á barmi gjaldþrots.

Ruglaði saman merkingum á 286 ferðatöskum

21. september 2017

|

Flugvallarstarfsmaður á Changi-flugvellinum í Singapore hefur verið ákærður vegna gruns um að hafa skipt um merkingar á fjölda innritaðra ferðataskna með þeim afleiðingum að þær fór með flugi til kol

Flugmenn hjá Ryanair vilja fastan ráðningarsamning

21. september 2017

|

Flugmenn á 17 bækistöðvum Ryanair, víðsvegar um Evrópu, krefjast þess nú að fá fastan ráðningarsamning hjá félaginu til langstíma samkvæmt reglugerðum í hverju landi fyrir sig.

Ekkert flugslys meðal flugfélaga í Afríku árið 2016

20. september 2017

|

Ekkert flugslys í áætlunarflugi í Afríku var skráð í fyrra en fram kemur að þetta sé í fyrsta sinn í heilan áratug sem ekkert flugslys verður á heilu ári meðal afrískra flugfélaga sem eru aðilar að a

Virgin flaug flugmanni til vinnu til Manchester með Boeing 787

20. september 2017

|

Breska flugfélagið Virgin Atlantic neyddist til þess á dögunum að lenda Dreamliner-þotu sinni sérstaklega í Manchester á leið sinni frá London Heathrow til Boston til þess að ferja flugmann til Manch

Afhendingu á fyrstu KC-46 frestað fram á næsta ár

20. september 2017

|

Afhendingu á fyrstu KC-46 Pegasus eldsneytisflugvélinni mun frestar fram á næsta ár en til stóð að afhenda fyrsta eintakið til bandaríska flughersins á þessu ári.

Bjóða flugmönnum 1,5 milljón í bónus í skiptum fyrir sumarfrí

20. september 2017

|

Ryanair hefur brugðið til þess ráðs að bjóða öllum þeim flugmönnum, sem eru í sumarfríi, bónusgreiðslu upp á 1,5 milljón króna fyrir að bæta við sig 10 vinnudögum í þeim tilgangi að draga úr þeirri