flugfréttir

Fyrsta bókin um flug MH370 er komin út

- Telur að flugvélin hafi verið óvart skotin niður á heræfingu sem stóð yfir

18. maí 2014

|

Frétt skrifuð kl. 12:50

Fyrsta bókin um hvarf flugs MH370 er komin í bókabúðir en bókin fjallar um þá kenningu að vélin hafi verið skotin niður óvart á heræfingu sem stóð yfir á þeim stað þar sem vélin hvarf.

Bókin, Flight MH370 The Mystery, veitir ekki svör við ráðgátunni en hún rennir stoðum undir þær kenningar að vélin hafi verið skotin niður fyrir slysni af af taílenska og bandaríska flughernum sem voru við heræfingar yfir Suður-Kínahafi og eftir það var leitinni beint í aðrar áttir til að sópa mistökunum undir teppið.

"Á tímum þar sem hægt er að rekja stolinn farsíma hvar sem hann er niðurkomin á jörðunni þá er ekki hægt að finna týnda farþegaþotu með 227 farþegum innanborðs", segir í bókinni.

Fyrsta bókin um flug MH370 kemur út á morgun,
10 vikum eftir að vélin hvarf

Það er rithöfundurinn Nigel Cawthorne sem skrifaði bókina en hann telur næsta víst að aðstandendur og fjölskyldur muni aldrei komast að því hvað í raun og veru gerðist. "Létust farþegarnir án þess að kveljast og vissu aldrei hver örlög þeirra voru eða dóu þeir á kvalafullan hátt í logandi flakinu er vélin fórst", spyr Cawthorne sig.

Ef svarti kassinn finnst gæti það verið annar svartur kassi sem búið er að koma fyrir í sjónum

Það sem vekur áhuga Cawthorne er heræfingin sem var í gangi yfir Suður-Kínahafi á sama tíma og malasíska vélin var á leið til Peking en á sama stað sagðist Mike McKay, starfsmaður á olíuborðpalli, hafa séð logandi fyrirbæri falla í sjóinn eins og kom fram í fréttum nokkrum dögum eftir að vélin hvarf.

"Enginn vill sjá annað Lockerbie-slys þannig að ef slíkt gerðist þá munu þeir sem bera ábyrgð á því vilja gera allt til að það spyrjist ekki út".

Cawthorne segir að stjórnvöld gætu gengið svo langt til að fela sannleikann að ef í ljós kæmi að svarti kassi vélarinnar myndi finnast í Suður-Inlandshafi þá trúi hann yfirvöldum til þess að koma öðrum svörtum kassa fyrir í sjónum til að fela sannleikann.

Margir segja að það sé allt of snemmt að gefa út bók um hvarfið. Rob Burrows og eiginkona hans voru um borð í malasísku vélinni en móðir hans, Irene Burrows, segir bókina alls ekki tímabæra.

"Enginn veit hvað gerðist með vélina og af hverju myndi einhver vilja gefa út bók á þessum tímapunkti", segir Irene. "Það eru akkurat engin svör, þetta er hræðilegt fyrir fjölskyldurnar. Það eru 10 vikur á morgun frá hvarfinu og það er ekkert vitað".

Flight MH370 The Mystery er ekki eina bókin um hvarf vélarinnar því bókaútgefandinn Penguin mun á næstunni gefa út sambærilega bók eftir rithöfundinn Christine Negroni sem gaf m.a. frá sér bókina Deadly Departure on TWA Flight 800 sem fjallaði um farþegaþotu sem fórst yfir Atlantshafi árið 1996 en 230 manns létu lífið í því slysi.







  fréttir af handahófi

Alitalia í viðræðum við Delta

5. janúar 2019

|

Delta Air Lines er sagt eiga í viðræðum við stjórn Alitalia um möguleg kaup á hlut í flugfélaginu ítalska auk samstarfs en félagið er tæknilega gjaldþrota og er rekið áfram með aðstoð ríkisstjórnar l

Verða fyrstir til að fljúga yfir Atlantshafið með A321LR

9. febrúar 2019

|

Aer Lingus ætlar að verða fyrsta flugfélagið til að hefja flug yfir Atlantshafið með Airbus A321LR þotunni en félagið stefnir á að hefja flug til Hartford í Connecticut í Bandaríkjunum í júlí í sumar

280.000 farþegar með Icelandair í nóvember

6. desember 2018

|

Um 280.000 farþegar flugu með Icelandair í nóvember sl. sem er fjölgun upp á 12 prósent ef miðað er við nóvember árið 2017 þegar 249.000 farþegar flugu með félaginu.

  Nýjustu flugfréttirnar

Breska flugfélagið flybmi gjaldþrota

16. febrúar 2019

|

Breska flugfélagið flybmi hefur hætt öllu flugi og óskaði í dag eftir því að verða tekið til gjaldþrotaskipta.

Þrýstingsmunur sprengdi upp hurð á einkaþotu á flugvelli

16. febrúar 2019

|

Flugmálayfirvöld í Evrópu (EASA) hafa sent frá sér tilmæli og viðvörun vegna hættu á að dyr á flugvélum með þrýstingsjöfnun í farþegarými geti sprungið úr falsinu vegna þrýstingsmunar við vissar aðst

Þota frá Lion Air fór út af braut í lendingu

16. febrúar 2019

|

Farþegaþota af gerðinni Boeing 737-800 frá indónesíska flugfélaginu Lion Air fór út af flugbraut í lendingu á Supadio-flugvellinum í borginni Pontianak á eyjunni Borneó í morgun.

IATA hvetur Bandaríkin til þess að huga betur að flugmálum

14. febrúar 2019

|

Alþjóðasamtök flugfélaganna (IATA) hafa hvatt bandarísk stjórnvöld, og alla þá sem koma að máli, að sjá til þess að lokun stofana í Bandaríkjunum muni ekki hafa áhrif á flugsamgöngur eins og gerðist

Norwegian yfirgefur Karíbahafið

13. febrúar 2019

|

Norwegian hefur ákveðið að hætta að fljúga til Karíbahafsins en félagið byrjaði að fljúga til Karíbahafsins árið 2015.

Lufthansa tekur á leigu A220 þotur frá airBaltic

12. febrúar 2019

|

Lufthansa hefur tekið á leigu tvær Airbus A220 (Bombardier CSeries) þotur frá flugfélaginu airBaltic.

Kona hljóp nakin inn á flugbraut í Suður-Karólínu

12. febrúar 2019

|

Loka þurfti fyrir flugumferð á flugvellinum í bænum Florence í Suður-Karólínu í Bandaríkjunum sl. sunnudag eftir að tilkynnt var um konu sem hljóp nakin um flugvallarsvæðið.

Stigabíll féll saman í Síberíu

12. febrúar 2019

|

Að minnsta kosti fimm slösuðust er stigabíll féll saman þegar farþegar voru að ganga um borð í Airbus-þotu hjá flugfélaginu Ural Airlines á flugvelli í Síberíu í dag.

Delta flýgur fyrsta flugið með Airbus A220

11. febrúar 2019

|

Delta Air Lines flaug á dögunum sitt fyrsta farþegaflug með nýju Airbus A220 þotunni sem einnig er þekkt sem CSeries frá Bombardier.

Einkaþota rann út af braut í lendingu í Indíana

11. febrúar 2019

|

Engan sakaði er einkaþota af gerðinni Hawker Beechcraft 400A rann út af flugbraut í lendingu í morgun á Richmond Municipal flugvellinum í Indíana í Bandaríkjunum.

 síðustu atvik

  2019-01-01 20:20:00