flugfréttir

Dularfull rafmagnstruflun áður en vélin hvarf gæti verið merki um flugrán

- Telja að þar hafi einhver verið að undirbúa að láta vélina hverfa af radar

1. júlí 2014

|

Frétt skrifuð kl. 14:10

Dularfull rafmagnsbilun gæti verið vísbending um að malasísku vélinni var rænt

Rannsóknaraðilar í Ástralíu hafa komist að því að rafmagnstruflun hafi komið upp um borð í malasísku farþegaþotunni rétt áður en hún hvarf af radar þar sem að fjarskiptabúnaður vélarinnar reyndi að tengjast aftur gervitungli eftir að tengingin slitnaði.

Flugsérfræðingar, sem hafa tjáð sig um málið, telja að þarna hafi greinilega einhver verið að undirbúa að aftengja vélina til að láta hana hverfa af ratsjá sem bendi til að vélinni hafi verið rænt.

Í hinni 64 blaðsíðna skýrslu sem rannsóknarnefnd flugslysa í Ástralíu birti í síðustu viku segir að sjaldgæft sé að fjarskiptakerfi aftengist og reyni að skrá sig aftur inn á gervitungl í miðju flugi.

"Það getur verið að einhver í stjórnklefanum hafi verið að eiga við fjarskiptabúnaðinn til að láta vélina hverfa af ratsjá og það hafi orsakað þá truflun sem kom fram í rafkerfi vélarinnar. Mögulega hafi verið slökkt á rafkerfinu í smástund og svo rafmagnið sett á aftur", segir David Gleave, flugöryggissérfræðingur hjá Loughborough-háskóla.

Breska gervihnattarfyrirtækið Inmarsat hefur staðfest að rafmagnið fór af vélinni í smástund en fyritækið hefur ekki tjáð sig um hver ástæðan fyrir því gæti verið.

"Það er greinilegt að það kom upp truflun í rafkerfi vélarinnar. Það er enn önnur ráðgátan. Við getum ekki útskýrt hversvegna, við vitum ekki af hverju en við vitum bara að þetta átti sér stað", segir Chris McLaughlin hjá Inmarsat.

Aðspurður hvort að rafmagnstruflunin gæti hafa orsakast vegna bilunar þá svarar David Gleave: "Það eru nokkrar tegundir af bilunum sem gætu hafa orsakað það en þú myndir þá ekki fljúga fleiri hundruð kílómetra suður í Indlandshafið eftir það".

Annar flugsérfræðingur, Peter Marosszeky hjá háskólanum í New South Wales í Ástralíu, tekur í sama streng og segir að rafmagnstruflunin hafi sennilega orsakast vegna mannlegra gjörða.

"Sá sem gerði þetta hlýtur að hafa vitað hvað hann var að gera og bendir þetta til að þarna hafi verið flugrán í uppsiglingu eða einhver ætlaði að taka yfir vélina", segir Marosszeky.

Malasísk stjórnvöld segja ekkert dularfullt við truflun á gervihnattarsambandi

Samgönguráðherra Malaysíu, Hishammuddin Hussein, sendi í dag frá sér yfirlýsingu þar sem hann segir að ekkert dularfullt sé við það ef truflun kemur upp í fjarskiptum vélarinnar við gervitungl og segir hann að aðeins sé um getgátur um að ræða sem eigi sér engar stoðir.

Hussein segir samt að flugvélin hafi reynt að ná aftur sambandi við gervitungl um eina og hálfa klukkustund eftir flugtak frá Kuala Lumpur.













  fréttir af handahófi

Telja að Boeing 737 MAX 10 fái vottun árið 2023

4. september 2022

|

Boeing segist eiga von á því að Boeing 737 MAX 10 þotan fái flughæfnisvottun á fyrri árshelmingi næsta árs og geti afhendingar hafist fljótlega í kjölfarið.

Flyr sker niður umsvif sín um helming í vetur

5. október 2022

|

Norska flugfélagið Flyr ætlar að skera niður umsvif félagsins í vetur með því að vera með helmingi færri flugvélar í rekstri auk þess sem til stendur að segja upp starfsfólki og draga saman leiðarke

FAA hafnar beiðni um breytingu á 1.500 tímareglunni

20. september 2022

|

Bandarísk flugmálayfirvöld (FAA) hafa hafnað beiðni bandaríska flugfélagsins Republic Airways um undanþágu á svokallaðri 1.500 tíma reglu en flugfélagið fór fram á að krafa um lágmarkstíma flugmann

  Nýjustu flugfréttirnar

Þriðja flugbrautin formlega tekin í notkun í Hong Kong

29. nóvember 2022

|

Chek Lap Kok flugvöllurinn í Hong Kong tók í gær formlega í notkun nýja flugbraut sem er þriðja flugbraut vallarins en brautin er 3.800 metrar á lengd.

Fyrsta fraktþota Icelandair komin í nýju litina

28. nóv

|

Lokið hefur verið við að mála fyrri fraktbreiðþotu Icelandair sem bætist við í flota Icelandair Cargo en fraktflugvélin, sem er af gerðinni Boeing 767-300ER, var máluð í nýjum litum Icelandair og er h

Verkfall yfirvofandi hjá Air Greenland

28. nóvember 2022

|

Verkfall er yfirvofandi hjá Air Greenland en ef samningar nást ekki við flugfreyjur og flugþjóna félagsins mun verkfall að öllu óbreyttu skella á næstkomandi föstudag.

Air India herðir kröfur um útlit meðal áhafna

27. nóvember 2022

|

Air India hefur kynnt nýjar kröfur sem flugfreyjur og flugþjónar flugfélagsins indverska þurfa að uppfylla ef þau ætla að starfa áfram hjá félaginu.

Dómsmálum rignir yfir tryggingarfélög frá flugvélaleigum

25. nóvember 2022

|

Skaðabótamál hrúgast nú upp með nokkrum réttarhöldum sem hafa farið fram þar sem flugvélaleigur hafa frá því í sumar höfðað mál gegn tugi tryggingarfélögum í von um að fá greiddar bætur fyrir allan þ

Hvetja 45 ára og eldri til að sækja um flugfreyjustarfið

25. nóvember 2022

|

Breska lágfargjaldafélagið easyJet reynir nú að ráða eins margar flugfreyjur og flugþjóna til sín og hægt er fyrir næsta sumar en flugfélagið hvatti nýlega fólks, sem er komið á miðjan fimmtugsaldur,

Icelandair mun hefja flug til Detroit næsta vor

25. nóvember 2022

|

Icelandair hefur kynnt til leiks nýjan áfangastað í leiðarkerfi félagsins í Norður-Ameríku en næsta vor mun hefjast beint flug til bandarísku borgarinnar Detroit í Michican.

SAS mun fljúga á JFK í New York

24. nóvember 2022

|

SAS (Scandinavian Airlines) ætlar að hefja flug á JFK flugvöllinn í New York eftir áramót og verður flogið þangað frá Kaupmannahöfn.

Qantas sér fram á meiri hagnað og bjartari tíma

23. nóvember 2022

|

Ástralska flugfélagið Qantas sér fram á bjartari tíma og hefur flugfélagið uppfært afkomuspá sína fyrir fyrri helming ársins 2023.

NTSB: Vængur losnaði af flugvél í flugprófunum

23. nóvember 2022

|

Rannsóknaraðilar á vegum samgönguöryggisnefndar Bandaríkjanna (NTSB) hefur lýst því yfir að orsök flugslyss, sem átti sér stað í síðustu viku í Washington-ríki er flugvél af gerðinni Cessna 208B Car

 síðustu atvik

  2019-01-01 20:20:00