flugfréttir

Fjórir mánuðir frá því að malasíska vélin hvarf

7. júlí 2014

|

Frétt skrifuð kl. 23:42

Fjórir mánuðir eru síðan að malasíska farþegaþotan hvarf

Fjórir mánuðir eru í dag síðan að malasíska farþegaþotan, flug MH370, hvarf á leið sinni frá Kuala Lumpur til Peking og er hvarfið orðið það dularfyllsta sem vitað er um í farþegaflugi og er leitin að vélinni orðin sú dýrasta sem um getur.

Þrátt fyrir viðamikla leit sem farið hefur fram á gríðarlegu stóru svæði úr lofti, á sjó og neðansjávar með háþróuðum búnaði hefur ekkert flak fundist og aldrei hefur eitt einasta brak sést.

Malasískavélin var hálfnuð yfir Tælands-flóann þegar hún hvarf
aðfaranótt 8. mars

Heimsbyggðin, aðilar, fyrirtæki, flugfélög og samtök í fluginu, hafa spurt sig þeirra spurningar hvernig nútímafarþegaþota með 239 manns innanborðs geti horfið sportlaust og hvernig það geti staðist að ekki sé hægt að rekja og finna staðsetningu á slíkri vél þegar hægt er að staðsetja farsíma utan úr geimnum.

Leitin af vélinni og rannsóknin á hvarfinu hefur verið harðlega gagnrýnd þar sem mörgum finnst ýmislegt benda til þess að stjórnvöld hafi óhreint mjöl í pokahorninu sé tekið mið af þeim undarlegu atvikum sem skutu upp kollinum nánast daglega á fyrstu dögunum eftir að vélin hvarf.

Sérstaklega hafa stjórnvöld í Malaysíu verið gagnrýnd og hafa margir spurt sig hversvegna liðu 5 tímar frá því vélin hvarf og þar til formleg leit hófst að vélinni. Þá hefur það vakið furðu margra hversvegna leitin hefur eingöngu beinst að Suður-Indlandshafi þegar fleiri en einn sjónarvottur hefur komið fram sem telur sig hafa séð brennandi flak á himni sem hefur ekki vakið áhuga rannsóknaraðila.

Margar kenningar en fáar vísbendingar

Þá hafa fjölmargar samsæriskenningar skotið upp kollinum og getgátur um hvað gæti hafa gerst og hafa margir trú á því að vélinni hafi verið rænt af flugræningjum eða af stjórnvöldum og beindust augu margra að herstöðinni á eyjunni Diego Garcia og þá sérstaklega eftir að íbúar á Maldíví-eyjum töldu sig hafa séð stóra þotu fljúga í lágflugi yfir eyjarnar morguninn eftir að vélin hvarf.

Margir hafa talið að vélinni hafi verið rænt og flogið á herstöðina á eyjunni Diego Garcia

Einnig hafa verið kenningar á lofti um að vélin hafi verið skotin niður fyrir slysni af malasíska flughernum er hún flaug af leið til vesturs yfir malasíska lofthelgi og einnig er talið að hún hafi verið skotin óvart niður á heræfingu sem fram fór á svipuðum slóðum og vélin hvarf.

Marg dularfullt hefur komið fram á sjónarsviðið og hafa augun m.a. beinst að 20 sérfræðingum sem voru um borð í vélinni sem störfuðu fyrir fyrirtækið Freescale og er talið að í frakt vélarinnar hafi verið háþróaðar tölvuflögur sem "máttu" alls ekki fara til Kína.

Þótt að malasísk stjórnvöld birtu gögn með lista yfir farþega og yfir þann varning sem var um borð í vélinni þá hafa yfirvöld í landinu ekki viljað gefa upp dularfulla frakt sem vó 2 tonn sem var um borð en vitað er að fyrrverandi starfsmenn bandaríska sjóhersins höfðu sent vörur með vélinni en þeir fundust látnir skömmu áður í herskipi.

Áströlsk stjórnvöld birtu á dögunum 64 blaðsíðna skýrslu um hvarfið þar sem rannsóknarnefnd flugslysa í Ástralíu telur að loftþrýstingur hafi sennilega fallið niður um borð sem hafi orðið til þess að flugmenn vélarinnar, áhöfn og farþegarnir urðu fyrir súrefnisskorti og vélin flogið stjórnlaus lengst suður í Indlandshaf uns eldsneytið varð á þrotum.

Einu áreiðanlegu vísbendingarnar sem unnið hefur verið eftir eru þau merki sem gervihnöttur breska fyrirtækisins Inmarsat tók á móti frá vélinni en eftir flókna útreikninga er talið að vélin hafi sent sex merki á klukkutíma fresti á leið sinni suður í Suður-Indlandshaf.

Fleiri skip verða send til leitar

Ástralska skipið Fugro Equator er núna á leitarsvæðinu þrátt fyrir að leit
hefst ekki aftur fyrr en í ágúst

Áströlsk stjórnvöld hafa sagt að leitin muni hefjast að nýju af fullum krafti í ágúst en ástralska skipið Fugro Equator er nú þegar á svæðinu og er skipið sérstaklega hannað til að standast þær erfiðu aðstæður sem eru á sjónum í Suður-Indlandshafinu, langt vestur af ströndum Ástralíu þar sem iðulega gengur á með háum öldum, stormum og rigningu.

Þá hefur Kína einnig sent skipið Zhu Kezhen en Angus Houston, yfirmaður samhæfingarmiðstöð leitarinnar, segir að það skip sé ekki eins vel búið fyrir þetta hafsvæði.

Áströlsk stjórnvöld hafa hætt að taka við tilboðum frá einkayfirtækjum sem sóttu um til að taka að sér 6,3 milljarða króna neðansjávarleit sem felur í sér kortlagningu á hafsbotninum með allt að þremur sjálfvirkum kafbátum en ekki hefur verið tilkynnt um hvaða fyrirtæki verður fyrir valinu til að taka það verkefni að sér sem gæti staðið yfir í meira en ár.

Hishammuddin Hussein, samgönguráðherra Malaysíu, sagði sl. sunnudag að þrátt fyrir að yfir 120 dagar væru liðnir síðan að vélin hvarf að þá hafi malasísk stjórnvöld aldrei verið eins ákveðin í að finna vélina og einmitt nú og ætla yfirvöld að senda fleiri skip til leitar þegar aðgerðir hefjast að nýju í ágúst sem kölluð hefur verið "önnur lotan".

Malaysía ætlar bæði að senda herskip og einnig munu einkafyrirtæki senda skip á svæðið með sónarbúnað til að staðsetja flakið ef það liggur á hafsbotni.







  fréttir af handahófi

Lítil flugvél brotlenti við Skálafell

17. september 2019

|

Þyrla Landhelgisgæslunnar var kölluð út núna seinnpartinn í dag eftir að tilkynning barst um að flugvél hefði nauðlent nálægt Skálafelli austan við Esjuna.

Flugáætlun Icelandair með Q400 og Airbus A319

24. júní 2019

|

Icelandair hefur áform um að nota Bombardier Dash 8 Q400 áfram í millilandaflugi á einstaka flugleiðum til Bretlandseyja í sumar og fram í september.

Rekstur Norwegian sagður hanga á bláþræði

9. september 2019

|

Sagt er að Norwegian sé að reyna við síðasta hálmstráið til þess að forða flugfélaginu norska frá gjaldþroti en í augnarblikinu er rekstrarfé félagsins af mjög skornum skammti og á félagið í viðræðum

  Nýjustu flugfréttirnar

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

Japan Airlines sektað um 37 milljónir vegna tveggja seinkana

16. september 2019

|

Samgönguráðuneyti Bandaríkjanna hefur sektað Japan Airlines um 37 milljónir króna vegna tveggja seinkana þar sem farþegar þurftu að bíða í meira en fjórar klukkustundir inni í flugvélum félagsins áðu

Síðasta flug Travolta með 707 til Ástralíu tefst vegna viðhalds

16. september 2019

|

Allt bendir til þess að ekki verði hægt að ferjufljúga Boeing 707 þotu John Travolta sem hugðist fljúga þotunni frá Bandaríkjunm til Ástralíu í nóvember og það í síðasta sinn.

Turkmenistan Airlines pantar Boeing 777-200LR

15. september 2019

|

Turkmenistan Airlines hefur fest kaup á einni Boeing 777-200LR þotu sem félagið á von á að fá árið 2021.

Fékk kvíðakast í aðflugi og yfirgaf stjórnklefann

15. september 2019

|

Flugmaður hjá easyJet yfirgaf flugstjórnarklefa á farþegaþotu eftir að hann fékk kvíðakast þegar vélin var að nálgast lokastefnu inn til lendingar á flugvellinum í Glasgow.

Missti kaffibollann og hellti kaffi yfir fjarskiptabúnað

12. september 2019

|

Rannsóknaraðilar í Bretlandi hafa komist að því að flugstjóri einn á Airbus A330 breiðþotu frá flugfélaginu Condor notaði ekki glasahaldara fyrir kaffibollann sinn sem varð til þess að hann hellti óv

FAA íhugar að fyrirskipa skoðun á hreyflum á A220

12. september 2019

|

Bandarísk flugmálayfirvöld (FAA) íhuga nú að fara fram á að ítarleg skoðun verði framkvæmd á hreyflum á Airbus A220 (CSeries) þotunum í kjölfar þriggja atvika sem hafa komið upp þar sem slökkva þurf

 síðustu atvik

  2019-01-01 20:20:00