flugfréttir

MH370: Telja að flugstjórinn hafi stýrt vélinni í sjóinn vísvitandi

- Segja að Zaharie hafi tekist "meistaraverk" sitt sem var að láta vélina hverfa

24. ágúst 2014

|

Frétt skrifuð kl. 07:50

Ewan Wilson og Geoff Taylor telja allt benda til þess að flugstjórinn, Zaharie Ahmad Shah, hafi látið vélina hverfa

Flugslysasérfræðingurinn og atvinnuflugmaðurinn Ewan Wilson er fullviss um að Zaharie Ahmad Shah, flugstjóri malasísku farþegaþotunnar, flug MH370, hafi læst aðstoðarflugmanninn, Fariq Abdul Hamid, úti, látið loftþrýstinginn um borð falla niður með þeim afleiðingum að allir misstu meðvitund og stýrt vélinni vísvítandi í Indlandshafið.

Alltumflug.is greindi frá því þann 15. júní að bókin "Good Night Malaysian 370: The truth behind the loss of Flight 370" væri á leiðinni í búðir en hún er skrifuð af Ewan Wilson og blaðamanninum Geoff Taylor en fjölmiðlar hafa í vikunni fjallað um innihald bókarinnar sem kom út þann 31. júlí sl.

Eftir að hafa notað útilokunaraðferðina er þetta eina útskýringin

Ewan Wilson hefur, sem flugmaður og flugslysasérfræðingur, rannsakað hvarf vélarinnar í fjóra mánuði og segist hann hafa skoðað allar mögulegar leiðir sem gæti hafa orsakað hið dularfulla hvarf.

Geoff Taylor (til vinstri) og Ewan Wilson (til hægri) með
bókina "Good Night Malaysian 370: The Truth Behind
The Loss of Flight 370"

Með útilokunaraðferðinni segir Wilson að ekkert sé eftir nema sú tilgáta að Zaharie Ahmad Shah flugstjóri hafi látið loftþrýstinginn falla niður um borð. Þrátt fyrir að súrefnisgrímur hefðu fallið niður þá hefði súrefnið aðeins dugað fyrir farþeganna í 20 mínútur.

Þeir sem ekki settu á sig grímur og þeir farþegar sem voru sofandi hefðu orðið fyrir súrefnisskorti á nokkrum mínútum og látist skömmu síðar.

Í bókinni telja Wilson og Taylor að Zaharie flugstjóri hefði komist af með því að nota súrefnisgrímuna sína, sem hefur lengri birgðir eða með því að þrýstingsjafnað vélina á nýjann leik í þeim tilgangi að forðast ratsjársamband svo hann gæti látið "meistaraverk" sitt verða að veruleika sem var að láta Boeing 777 hverfa.

Lét vélina sökkva í heilu lagi

Því næst á Zaharie flugstjóri að hafa stýrt vélinni niður í Indlandshafið og lent henni á svipaðan hátt og Sullenberger náði að lenda á Hudson-fljótinu árið 2009 og telja rithöfundarnir að vélin hafi sokkið í heilu lagi niður á hafsbotn sem útskýrir hversvegna ekkert einasta brak hefur fundist.

Rithöfundarnir tveir, Wilson og Taylor, ferðuðust m.a. til Malaysíu vegna gerð bókarinnar þar sem þeir dvöldu í yfir mánuð og tóku viðtöl við yfirvöld, fjölskyldumeðlimi og einnig ræddu þeir við fjölskyldu flugstjórans, Zaharie Ahmad Shah en rithöfundarnir telja að hann hafi átt við geðræn vandamál að stríða,

Rithöfundar bókarinnar telja að Zahaire flugstjóri hafi
lent vélinni á sjónum í Suður-Indlandshafi og látið hana
sökkva í heilu lagi

Rannsóknarnefnd flugslysa í Ástralíu hafði áður komið með skýrslu varðandi hvarf vélarinnar þar sem talið var að súrefnisskortur um borð væri mjög sennileg útskýring og malasísk stjórnvöld hafa tekið það fram að Zaharie flugstjóri væri sá aðili sem liggur helst undir grun.

Atburðarrásin sem talin er hafa átt sér stað

Rithöfundarnir telja að Zaharie Ahmad Shah hafi hvatt aðstoðarflugmanninn, Fariq Abdul Hamid, til að leggja sig 40 mínútum eftir flugtak.

Því næst hafi hann læst sig einan inni í stjórnklefanum og kvaddi hann malasísku flugumferðarstjórana með orðunum "Goodnight, Malaysian 370" áður en hann tók öll fjarskiptatæki úr sambandi og flaug því næst vélinni upp í 39.000 fet og aftengdi jafnþrýstibúnað vélarinnar.

Zaharie hefði ekki getað komið í veg fyrir að súrefnisgrímurnar myndu falla niður og sjálfvirk viðvörun myndi hafa farið í gang á ensku en Zahaire vissi að farþegarnir hefðu takmarkaðar birgðir af súrefni. Hinsvegar þar sem um næturflug var að ræða voru flestir sofnaðir eða við það að sofna og ljósin slökkt í farþegarýminu.

Flugliðar um borð hefðu að öllum líkindum reynt að aðstoða farþegana en áhöfnin hefði þurft að setja fyrst á sig súrefnisgrímur og ringulreið hefði orðið þar sem um borð voru 239 farþegar og fyrir 227 af þeim var enska ekki þeirra fyrsta tungumál til að skilja sjálfvirku viðvörunina.

"Á þessum tímapunkti hefðu sumir farþegarnir vaknað og verið hálfsofandi að reyna átta sig á ástandinu um borð og en það hefði verið of seint fyrir marga - Þeir sem ekki náðu að sækja sér súrefnisgrímu misstu því meðvitund og létust sex mínútum eftir það á meðan aðrir höfðu 12 til 22 mínútur áður en þeir misstu meðvitund", segir í bókinni.

Þar sem vélin var í næturflugi er talið að margir voru ekki að átta sig á ástandinu fyrr en það var orðið of seint

Zaharie flugstjóri á að hafa haft þrjá tíma af súrefni fyrir sig sjálfan sem rithöfundarnir telja það hafa verið nóg fyrir hann til að klára ætlunarverk sitt.

Wilson og Taylor segja að hann hafi sett stefnuna á Suður-Indlandshaf og látið vélina fljúga á sjálfstýringu þar til eldsneytið var á þrotum, svifið vélinni eftir það í allt að 150 kílómetra og stýrt vélinni svo meistaralega í sjóinn að engin leið hefði verið fyrir nokkurn mann að finna vélina.

"Flugstjórinn Zaharie Ahmad Shah er sá sem ber ábyrgð á hvarfinu og tókst honum að sanna flughæfni sína með því að sýna fram á að hann gæti látið farþegaþotu af gerðinni Boeing 777 hverfa sporlaust án þess að hún myndi nokkurn tímann finnast".

"Þetta var hans leið til að kveðja fjölskyldu sína og heiminn með því að segja "reynið bara að finna vélina"".













  fréttir af handahófi

Rannsókn hafin á flugslysinu á flugsýningunni í Dallas

14. nóvember 2022

|

Rannsókn er hafin á flugslysi sem átti sér stað um helgina er tvær sögufrægar stríðsflugvélar rákust saman á flugi á flugsýningu í Dallas í Texas.

United íhugar að hætta öllu flugi um JFK í New York

7. september 2022

|

United Airlines hefur varað við því að flugfélagið gæti hætt öllu áætlunarflugi um John F. Kennedy flugvöllinn í New York í lok október vegna skorts á varanlegum afgreiðsluplássum á flugvellinum.

Þýska ríkið selur allan hlut sinn í Lufthansa Group

14. september 2022

|

Þýska ríkið hefur selt allan hlut sinn í Lufthansa Group en ríkisstjórn landsins keypti 20 prósenta hlut í félaginu í júní árið 2020 til þess að tryggja rekstur Lufthansa á tímum heimsfaraldursins.

  Nýjustu flugfréttirnar

Þriðja flugbrautin formlega tekin í notkun í Hong Kong

29. nóvember 2022

|

Chek Lap Kok flugvöllurinn í Hong Kong tók í gær formlega í notkun nýja flugbraut sem er þriðja flugbraut vallarins en brautin er 3.800 metrar á lengd.

Fyrsta fraktþota Icelandair komin í nýju litina

28. nóv

|

Lokið hefur verið við að mála fyrri fraktbreiðþotu Icelandair sem bætist við í flota Icelandair Cargo en fraktflugvélin, sem er af gerðinni Boeing 767-300ER, var máluð í nýjum litum Icelandair og er h

Verkfall yfirvofandi hjá Air Greenland

28. nóvember 2022

|

Verkfall er yfirvofandi hjá Air Greenland en ef samningar nást ekki við flugfreyjur og flugþjóna félagsins mun verkfall að öllu óbreyttu skella á næstkomandi föstudag.

Air India herðir kröfur um útlit meðal áhafna

27. nóvember 2022

|

Air India hefur kynnt nýjar kröfur sem flugfreyjur og flugþjónar flugfélagsins indverska þurfa að uppfylla ef þau ætla að starfa áfram hjá félaginu.

Dómsmálum rignir yfir tryggingarfélög frá flugvélaleigum

25. nóvember 2022

|

Skaðabótamál hrúgast nú upp með nokkrum réttarhöldum sem hafa farið fram þar sem flugvélaleigur hafa frá því í sumar höfðað mál gegn tugi tryggingarfélögum í von um að fá greiddar bætur fyrir allan þ

Hvetja 45 ára og eldri til að sækja um flugfreyjustarfið

25. nóvember 2022

|

Breska lágfargjaldafélagið easyJet reynir nú að ráða eins margar flugfreyjur og flugþjóna til sín og hægt er fyrir næsta sumar en flugfélagið hvatti nýlega fólks, sem er komið á miðjan fimmtugsaldur,

Icelandair mun hefja flug til Detroit næsta vor

25. nóvember 2022

|

Icelandair hefur kynnt til leiks nýjan áfangastað í leiðarkerfi félagsins í Norður-Ameríku en næsta vor mun hefjast beint flug til bandarísku borgarinnar Detroit í Michican.

SAS mun fljúga á JFK í New York

24. nóvember 2022

|

SAS (Scandinavian Airlines) ætlar að hefja flug á JFK flugvöllinn í New York eftir áramót og verður flogið þangað frá Kaupmannahöfn.

Qantas sér fram á meiri hagnað og bjartari tíma

23. nóvember 2022

|

Ástralska flugfélagið Qantas sér fram á bjartari tíma og hefur flugfélagið uppfært afkomuspá sína fyrir fyrri helming ársins 2023.

NTSB: Vængur losnaði af flugvél í flugprófunum

23. nóvember 2022

|

Rannsóknaraðilar á vegum samgönguöryggisnefndar Bandaríkjanna (NTSB) hefur lýst því yfir að orsök flugslyss, sem átti sér stað í síðustu viku í Washington-ríki er flugvél af gerðinni Cessna 208B Car

 síðustu atvik

  2019-01-01 20:20:00