flugfréttir

Tveir flugmenn segja augljóst að Zahaire flugstjóri lét MH370 hverfa viljandi

- Segja færri vísbendingar sem benda til súrefnisskorts og meðvitundarleysi

15. janúar 2016

|

Frétt skrifuð kl. 15:46

Zaharie Ahmad Shah flugstjóri

John Cox, sérfræðingur í flugöryggismálum og fyrrverandi flugstjóri hjá bandarísku flugfélagi, telur allt benda til þess að Zaharie Ahmad Shah, flugstjóri malasísku farþegaþotunnar sem leitað hefur verið að frá því í mars árið 2014, hafi rænt vélinni og grandað henni í votri gröf og segir fleiri vísbendingar sanna það heldur en kenningu stjórnvalda sem er sú að flugmennirnir hafi misst meðvitund.

22 mánuðir eru liðnir frá því að flug MH370 hvarf á leið sinni frá Kuala Lumpur til Peking en ekkert hefur spurst til vélarinnar þrátt fyrir stærstu og dýrustu leit sem gerð hefur verið að flugvél í sögu mankyns.

Samgönguöryggisnefnd Ástralíu (ATSB), sem hefur yfirumsókn með leitinni að MH370, ásamt stjórnvöldum annarra landa á borð við Malasíu, telja enn þann dag í dag að sennilegasta orsök hvarfsins sé sú að flugmenn vélarinnar hafi misst meðvitund vegna súrefnisskorts með þeim afleiðingum að malasíska farþegaþotan hafi flogið stjórnlaus suður í Indlandshaf þar til eldsneytið var á þrotum.

John Cox, sem í dag rekur ráðgjafarfyrirtæki á sviði öryggismála í fluginu, varar við því að gefast upp á leitinni að vélinni en áætlað er að leit verði hætt í júní í sumar en yfirlýsing Cox kom í kjölfar viðtals við flugstjórann Byron Bailey sem birtist í The Weekend Australian.

John Cox, fyrrverandi flugstjóri og fyrrverandi rannsóknaraðili hjá
NTSB (til vinstri) og Byron Bailey, flugstjóri (til hægri)

Bailey segir í viðtali við ástralska fjölmiðilinn að þau boð sem gervitunglið Inmarsat fékk frá vélinni á klukkutíma fresti á leið sinni suður í Indlandshaf bendi til þess að það var einhver við stjórnvölinn lengi vel eftir að samband við vélina rofnaði þar sem sjálfstýringin hefði annars alltaf stillt sig aftur á flugleiðina til Peking ef flugmennirnir hefðu misst meðvitund.

ATSB telur að vélin hafi flogið stjórnlaus suður í Indlandshaf en margir atvinnuflugmenn hafa bent á að Zaharie flugstjóri hefði alveg getað forritað flugleiðina inn í flugtölvuna (flight management system) á meðan að hann var við stjórnvölin.

„Það eru alls ekki nægilega margar sannanir fyrir hendi sem styðja kenninguna með að þeir hafi orðið fyrir súrefnisskorti og misst meðvitund“, segir Cox.

Cox segir að í rauninni eru fleiri sannanir sem benda til þess að ásetningur flugstjórans hafi verið vísvitandi.

„Mín kenning er sú að flugstjórinn sjálfur hafi látið flug MH370 hverfa vísvitandi“, bætir Cox við sem hefur starfað hjá Samgönguöryggisnefnd Bandaríkjanna (NTSB) og komið að sex rannsóknum á flugslysum.

Fjölskylda Zaharie hefur þvertekið fyrir það að flugstjórinn hafi átt þátt í hvarfi vélarinnar og því síður að hann hefði gert slíkt viljandi og rænt sinni eigin vél.

Var flogið eftir mörkum flugumferðarsvæða tveggja landa

Þá bætir Cox við enn og aftur að það gefi auga leið að eftir að malasíska farþegaþotan hvarf af ratsjá hafi verið reynt að fljúga henni viljandi eftir leiðum til að komast hjá því að hún kæmi fram á ratsjá og hafi það sést vel á því að vélinni var flogið milli flugumferðarsvæða tveggja landa áður en henni var beygt af leið, lengst suður í Indlandshaf.

„MH370 flaug nákvæmlega yfir þrjá staðsetningarpunkta sem eru á mörkum tveggja flugleiðsögusvæða - Það er gert til að villa fyrir löndunum sem gera ráð fyrir því að „hitt“ landið hafi stjórn með vélinni“, segir Cox.

„Það er mjög augljóst að flug MH370 var látið hverfa viljandi þar sem öll fjarskipti frá vélinni voru aftengd, ný flugleið sett inn í flugtölvuna og flogið á „landamærum“ tveggja flugumferðarsvæða“, segir Cox.







  fréttir af handahófi

Air New Zealand selur afgreiðslupláss sitt á Heathrow

9. mars 2020

|

Air New Zealand hefur selt afgreiðsluplássin sín á Heathrow-flugvellinum í London fyrir um 3.4 milljarða króna.

Um 2.000 manns sagt upp hjá Icelandair

28. apríl 2020

|

Icelandair hefur tilkynnt um uppsögn á um 2.000 starfsmönnum félagsins sem er liður í hagræðingu vegna áhrifa af kórónaveirufaraldrinum.

Rekstrarfé Norwegian verður á þrotum um miðjan maí

27. apríl 2020

|

Stjórn norska flugfélagsins varar við því að ef félagið fær ekki aðstoð í formi fjármagns á næstunni verður rekstarfé félagsins á þrotum um miðjan næsta mánuð.

  Nýjustu flugfréttirnar

Fresta afhendingum á 37 þotum

26. maí 2020

|

Flugvélaleigan AirCap hefur ákveðið að fresta afheningum á 37 flugvélum sem til stóð að veita móttöku og afhenda til flugfélaga á næstu tveimur árum.

An-225 flýgur á ný eftir viðgerð vegna bilunar í hreyfli

26. maí 2020

|

Risavöruflutningaþotan, Antonov An-225 Mriya, hefur hafið sig á loft á ný eftir að hafa verið biluð í þrjá daga í Kanada frá því um helgina en bilun kom upp í einum af sex hreyflum flugvélarinnar.

LATAM sækir um gjaldþrotavernd

26. maí 2020

|

LATAM, eitt stærsta flugfélag Suður-Ameríku, hefur sótt um gjaldþrotavernd og greiðslustöðvun en félagið hefur orðið mjög illa fyrir barðinu á COVID-19 heimsfaraldrinum.

Fyrsta tilraun með eldflaug á vegum Virgin mistókst

25. maí 2020

|

Fyrstu tilraun í eldflaugaprófunum á vegum fyrirtækis í eigu Richard Branson, er snúa að Virgin Orbit verkefninu, mistókst í dag.

Fóru of nálægt hvor annarri á flugvellinum í Hong Kong

25. maí 2020

|

Flugmálayfirvöld í Hong Kong hafa hafið rannsókn á atviki sem átti sér stað er tvær flugvélar fóru of nálægt hvor annarri á Chek Lap Kok flugvellinum í Hong Kong fyrir helgi.

Air France hættir með A380

25. maí 2020

|

Air France hefur tilkynnt að flugfélagið franska hafi tekið þá ákvörðun að hætta með allar Airbus A380 risaþoturnar.

Hluti af stéli losnaði af Boeing 737 þotu

25. maí 2020

|

Hluti af stéli losnaði af farþegaþotu af gerðinni Boeing 737-800 frá flugfélaginu Swift Air en í ljós kom að framlenging á stélinu var ekki á sínum stað er flugvélin lenti á flugvellinum í San Diego

Ætla ekki að losa sig við neinar A380 risaþotur

23. maí 2020

|

Tim Clark, forstjóri Emirates, blæs á þær sögusagnir sem ganga um að Emirates eigi eftir að hætta með flestar Airbus A380 risaþoturnar.

Ítalskir flugvellir opna á ný þann 3. júní

21. maí 2020

|

Stjórnvöld á Ítalíu segja að til standi að opna næstum alla flugvelli í landinu á ný fyrir farþegaflugi þann 3. júní næstkomandi og geta flugfélög þá byrjað að fljúga aftur til landsins með ferðamenn

Flugmenn bjóðast til að taka á sig 45 prósenta launalækkun

21. maí 2020

|

Félag belgískra atvinnuflugmanna hefur boðið stjórn Brussels Airlines að taka að sér launalækkun og vinnutímaskerðingu upp á 45 prósent fram til ársins 2023.

 síðustu atvik

  2019-01-01 20:20:00