flugfréttir

Kínverska ARJ21 þotan í prófunum í Keflavík

- Verður í prófunum í hliðarvindi næstu vikurnar

6. mars 2018

|

Frétt skrifuð kl. 19:42

ARJ21-700 þotan á Keflavíkurflugvelli í kvöld / Ljósmynd: Sigurður Björgvin Magnússon

Ein af nýjustu farþegaþotum Kínverja, ARJ21 þotan frá Comac, er nú stödd á Íslandi en þotan lenti á Keflavíkurflugvelli á sunnudag.

Vélin hefur verið í flugprófunum á Norðurlöndunum frá því í seinustu viku og er þetta fyrsta flug ARJ21 þotunnar til Evrópu.

ARJ21 þotan verður hér á landi í nokkrar vikur í flugprófunum en vélin verður eingöngu í prófunum í hliðarvindi og er nú beðið eftir að það fari að hvessa.

„Þeir eru að gera allt klárt fyrir mælitæki og setja upp búnað sem þarf til mælinga og svo á morgun verður farið í flug til að leyfa flugmönnunum að kynnast flugvellinum og svo byrja sjálfar hliðarvindslendingarnar á föstudag ef veður leyfir“, segir Ingimar Ingimarsson.

ARJ21 þotan verður við prófanir á Keflavíkurflugvelli fram í síðustu vikuna í mars

Tilraunaþotan, sem ber skráninguna B-001Q, kom hingað til lands frá Bergen í Noregi en þangað kom vélin frá Helsinki sem var fyrsti viðkomustaður vélarinnar í Skandinavíu.

„Hún þarf að hafa hliðarvind upp á 22 til 32 hnúta sem eru kröfurnar. Það merkilega er að þennan vind er ekki hægt að finna í Kína. Það er ekki svona hvasst þar. Þessvegna koma þeir alla leið hingað“, segir Ingimar en þess má geta að nokkrar af nýjustu þotum Airbus hafa komið hingað til lands til að nýta íslenska rokið til prófanna í hliðarvindi.

ARJ21 stendur fyrir „Advanced Regional Jet of the 21st Century“ en hönnun vélarinnar hófst árið 2002 og átti þotan upphaflega að koma á markað árið 2005 en 8 ára seinkun varð á framleiðslunni og var fyrsta eintakið ekki afhent fyrr en árið 2015.

ARJ21 þotan kom á markaðinn júní 2016

Tíu þotur hafa verið smíðaðar og er kínverska flugfélagið Chengdu Airlines eina flugfélagið sem hefur fengið þotuna afhenta og er félagið komið með fjórar þotur.

ARJ21 er ætlað að etja kappi við farþegaþotur frá Embraer og CRJ og CSeries-þoturnar frá Bombardier en aðeins kínversk flugfélög hafa pantað þessa flugvélategund auk tveggja pantanna frá Kongó og Indónesíu.

ARJ21 þotan eru eingöngu ætluð fyrir innanlandsflug en vélin hefur flugdrægi upp á 3.700 kílómetra og getur vélin því flogið milli flestra borga borga í Kína en þess má geta að eitt lengasta áætlunarflug í Kína tekur 6:30 klukkustundir sem er flugið milli borganna Guangzhou og Kashgar.







  fréttir af handahófi

SAS fær 96 milljarða króna lán til þess að styrkja reksturinn

15. ágúst 2022

|

Flugfélagið SAS (Scandinavian Airlines) hefur tryggt sér brúarlán upp á 96 milljarða frá fyrirtækinu Apollo Global Management til þess að endurfjármagna rekstur félagsins.

Framleiðsluafköstin á 737 MAX komin í 31 þotu á mánuði

13. júlí 2022

|

Boeing segir að framleiðsluafköstin við smíði Boeing 737 MAX þotnanna sé komin upp í 31 þotu á mánuði auk þess sem framleiðandinn afhenti 51 þotu af þessari gerð í síðasta mánuði og hafa eins margar

TSA bætir við valmöguleika fyrir kynsegin fólk við öryggisleit

15. júlí 2022

|

Bandaríska samgönguöryggisstofnunin (TSA) hefur tilkynnt að búið sé að bæta við nýjum valmöguleika varðandi kyn sem farþegar geta valið er þeir forskrá sig til að fá forgang í gegnum öryggisleit á b

  Nýjustu flugfréttirnar

CAE og Qantas gera samning um nýtt þjálfunarsetur í Sydney

17. ágúst 2022

|

Flugþjálfunarfyrirtækið CAE og ástralska flugfélagið Qantas hafa undirritað samning um nýtt þjálfunarsetur sem mun rísa í Sydney í Ástralíu.

IAG kaupir 20 prósenta hlut í Air Europa

16. ágúst 2022

|

Breska flugfélagasamteypan IAG (Internatioan Airlines Group), móðurfélag British Airways og Iberia, hefur keypt 20 prósenta hlut í flugfélaginu Air Europa en um er að ræða lán í móðurfélaginu sem bre

Þrýsta á að starfslokaaldur upp á 65 ár verði endurskoðaður

15. ágúst 2022

|

Alþjóðasamtök flugfélaganna (IATA) óska nú eftir því að starfslokaaldur atvinnuflugmanna verði hækkaður í von um að það muni auðvelda flugfélögum að hafa næga flugmenn á sama tíma og spár gera ráð f

SAS fær 96 milljarða króna lán til þess að styrkja reksturinn

15. ágúst 2022

|

Flugfélagið SAS (Scandinavian Airlines) hefur tryggt sér brúarlán upp á 96 milljarða frá fyrirtækinu Apollo Global Management til þess að endurfjármagna rekstur félagsins.

Segir að tími hræódýrra flugfargjalda sé á enda

12. ágúst 2022

|

Michael O´Leary, framkvæmdarstjóri Ryanair, segir að tími hræódýrra flugfargjalda sé liðinn og muni það núna heyra sögunni til að hægt sé að bóka flug fyrir aðeins 10 evrur aðra leiðina.

Yfir 200 flugmönnum verður sagt upp hjá Volga-Dnepr

11. ágúst 2022

|

Rússneska flugfélagið Volga-Dnepr mun á næstunni segja upp yfir 200 flugmönnum sem starfa hjá félaginu og þar á meðal þeim flugmönnum sem starfa hjá dótturfélögunum AirBridgeCargo og Atran.

Malaysia sagt ætla að panta 20 Airbus A330neo breiðþotur

10. ágúst 2022

|

Malaysia Airlines er sagt ætla að festa kaup á tuttugu A330neo breiðþotum sem ætlað er að leysa af hólmi eldri þotur í flota flugfélagsins.

Rússar byrjaðir að rífa niður þotur til að nálgast varahluti

9. ágúst 2022

|

Sagt er að nokkur rússnesk flugfélög, og þar á meðal ríkisflugfélagið Aeroflot, séu farin að rífa niður farþegaþotur í sínum flugflota til þess að nálgast varahluti og halda öðrum flugvélum í flotan

Qantas biður yfirmenn að hlaða ferðatöskum í flugvélar

8. ágúst 2022

|

Stjórnarmeðlimir hjá ástralska flugfélagið Qantas þurfa sennilega á næstu dögum og vikum að taka að sér að hlaða ferðatöskum um borð í flugvélar félagsins en stjórn Qantas hefur beðið þá og aðra yfi

Sjá fram á bjarta tíma á breiðþotumarkaðnum

8. ágúst 2022

|

Bandaríski flugvélaleigurisinn Air Lease Corporation segist vera bjartsýnn á að að markaðurinn með breiðþotur fari að taka við sér fljótlega og segir fyrirtækið að nú þegar séu merki um að líf sé að

 síðustu atvik

  2019-01-01 20:20:00