flugfréttir
King Air brotlenti í Sao Paulo
- Einn flugmaður lét lífið og sex slösuðust
30. júlí 2018
|
Frétt skrifuð kl. 19:57
Slökkvilið að störfum á Campo de Marte flugvellinum í gærkvöldi
Einn lét lífið er flugvél af gerðinni King Air brotlenti á Campo de Marte flugvellinum í Sao Paulo í Brasilíu í gærkvöldi.
Flugvélin var í aðflugi að flugvellinum um kl. 21:10 að íslenskum tíma þegar upp kom vandamál með
hjólabúnaðinn og fór vélin tvisvar sinnum yfir í lágflugi til að flugumferðarstjórar gætu séð hvort hjólin væru niðri.
Í þriðja aðfluginu, þegar til stóð að lenda, snérist vélin 180° gráður um langás vélarinnar og steyptist ofan í brautina og endaði
á hvolfi.
Flugmaðurinn sem lést í slysinu hét Antonio Traversi en
aðstoðarflugmaðurinn, Bene Souza, komst lífs af ásamt
farþegunum fimm
Mikill eldur braust út eins og sjá má á meðfylgjandi myndbandi og náðist að bjarga öllum farþegunum
fimm auk annars flugmannsins frá borði en samkvæmt fréttum náðist ekki að bjarga flugstjóranum sem var fastur inni í brennandi flakinu.
Flugvélin var í eigu fyrirtækisins Videplast sem framleiðir plastumbúðir en fram kemur að flugvélin hafi verið 10 ára
gömul, smíðuð árið 2008, og var ástand og skoðun hennar í lagi.
Um borð í flugvélinni voru meðal annars bræðurnir Geraldo Denardi og Nereu Denardi sem eru eigendur og stofendur
Videplast, sonur þeirra auk tveggja starfsmanna fyrirtækisins.
Brasilíski flugherinn mun annast rannsókn slyssins en orsök þess eru ókunn.
Veður á flugvellinum, þegar slysið átti sér stað, var þokkalegt og stillt, nánast logn en smá þoka.
Flugvélin bar skráninguna PP-SZN
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
