flugfréttir
Áhafnir hjá Ryanair þurftu að sofa á gólfinu
- Ryanair segir myndirnar sviðsettar - Engin herbergi voru laus í Málaga
15. október 2018
|
Frétt skrifuð kl. 17:18
Jim Atkinson, flugstjóri hjá Ryanair, segir undarlegt að tekjur félagsins árið 2018 stefni í 167 milljarða króna en ekki var hægt að finna gistingu fyrir áhafnirnar fjórar
Ryanair hefur beðið starfsmenn sína afsökunar eftir fjórar áhafnir félagsins neyddust til þess að sofa á grjóthörðu gólfinu um helgina á flugstöðinni í Málaga vegna fellibylsins Leslie sem gekk yfir Portúgal.
Allar áhafnirnar fjórar voru með heimahöfn í Portúgal en fjórar flugvélar á vegum félagsins þurftu
að lenda á Spáni þar sem óveður var á þeim áfangastöðunum í Portúgal og veðurskilyrði til lendinga mjög slæm.
Alls voru 24 flugmenn, flugfreyjur og flugþjónar sem þurftu að sofa á gólfinu í „briefing-herbergi“ áhafna
á flugvellinum í Málaga og það án kodda eða ábreiðna þar sem öll hótelherbergi í Málaga voru uppbókuð.
Nokkrar myndir, sem sína sex áhafnameðlimir, sofandi á gólfinu enduðu á Fésbókarsíðunni „Ryanair Must Change“ en
fram kemur að skömmu síðar hafi áhafnirnar fengið að sofa í VIP stofunni á flugvellinum.
Skjáskot af Twitter-færslu flugstjórans
Ryanair svaraði fyrir sig og segir félagið að ljósmyndirnar séu sviðsettar og tekur félagið fram að enginn í áhöfn
félagsins hafði þurft að sofa á gólfinu.
Fernando Gandra, starfsmaður hjá verkalýðsfélagi einu í Portúgal, segir að ljósmyndin endurspegli vel þær aðstæður
sem áhafnirnar þurftu að sætta sig við sl. laugardagskvöld og segir hann svar Ryanair, að myndirnar séu sviðsettar, algjörlega
út í hött og hneykslanlegt að bera því við.
Gandra segir að aðeins hafi átta áhafnarmeðlimir geta notað stóla til að sofa á en restin þurfti að leggjast á gólfið
þar sem það var það eina í boði þegar þreytan fór að segja til sín og ljóst var að engin önnur úrræði var að vænta
frá höfuðstöðvunum í Dublin.
„Tekjur Ryanair eru 167 milljarðar króna á þessu ári en þeir gátu ekki orðið fjórum áhöfnum úti um hótelgistingu“, skrifar
Jim Atkinson, flugmaður hjá Ryanair, á Twitter-síðu sína með ljósmyndinni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
