flugfréttir
Fær reikning upp á 13 milljónir vegna dólgsláta um borð
- Tvær orrustuþotur voru ræstar út og var þotunni snúið við til Stansted
18. júlí 2019
|
Frétt skrifuð kl. 19:19
Jet2 segist vona að með þessu geti félagið sent þau skilaboð að svona hegðun er eitthvað sem verður ekki láta viðgangast
Annar flugdólgur hefur nú fengið himinháan reikning í bakið fyrir ósæmilega hegðun um borð í flugvél sem var í þetta skiptið á leið til Tyrklands frá Bretlandi en áhöfn vélarninar neyddist til þess að snúa við til London í kjölfarið.
Nokkrir dagar eru síðan
að kóreskum flugdólgi var gert að greiða Hawaiian Airlines um 20 milljónir króna í sekt fyrir dólgslæti
um borð og ákvað flugfélagið að senda þeim farþega reikning fyrir öllum þeim kosnaði sem hlýst af því að þurfa að snúa flugvél við auk kostnaðar við gistingu fyrir farþega.
Að þessu sinni var um að ræða 25 ára breska stúlku sem flaug með flugfélaginu Jet2 frá London Stansted
til Dalaman í Tyrklandi þann 22. júní sl. en konan hegðaði sér mjög illa um borð, sýndi af
sér árásargirni, hótaði farþegum, barði á dyrnar á stjórnklefanum auk þess sem hún reyndi að opna neyðarútgang um borð.
Atvikið var það alvarlegt að breski flugherinn ræsti út tvær Eurofighter Typhoon orrustuþotur sem flugu til móts við
flugvélina en að sögn Steve Heapy, framkvæmdarstjóra Jet2, var um að ræða eitt versta
flugdólgsatvik sem hann hefur heyrt um.
Chloe Haines á von á reikning frá flugfélaginu Jet2 upp á 13 milljónir króna
„Við ætlum að reyna að gera allt sem í okkar valdi stendur til þess að fá þennan skaða bættan
eins og við gerum alltaf þegar hegðun farþega verður til þess að það þarf að snúa við eða lenda
á öðrum flugvelli“, segir Heapy.
Jet2 hefur sett konuna á ævilangan bannlista auk þess sem flugfélagið hefur sent henni
reikning upp á 85.000 Sterlingspund sem jafngildir 13,2 milljónum króna.
„Sem fjölskylduvænt flugfélag þá höfum við akkurat enga þolinmæði gagnvart svona hegðun og vonumst við til að þessi refsing sendi skýr skilaboð til þeirra
sem halda að þeir geti komist upp með að haga sér svona“, segir Heapy.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
