flugfréttir
Spá miklum skorti á flugmönnum til að fljúga einkaþotum
- Telja að 7.600 nýjar einkaþotur verði afhentar þennan áratug
Mun fleiri einkaþotur verða pantaðar næsta áratuginn miðað við þann fjölda flugmanna sem til þarf til þess að fljúga þeim
Fyrirtækið Honeywell Aerospace sér fram á mikinn skort á einkaþotuflugmönnum og telur að töluverð eftirspurn verði eftir flugmönnum til þess að fljúga ríka og fræga fólkinu á milli staða næsta áratuginn.
Flestar spár gera ráð fyrir aukningu í farþegaflugi í heiminum á næstu árum þrátt fyrir sveiflur í flugiðnaðinum
en ákveðin hópur einstaklega, sem hafa nógan aur milli handanna, vill losna við allt það umstang sem fylgir því að fara í gegnum stóra flugvelli til að ferðast með farþegaflugi.
Þótt flest okkar látum það nægja að ferðast með áætlunarflugi þá fer þeim sífellt fjölgandi sem eru vel efnaðir
og festa kaup á sinni eigin flugvél eða einkaþotu til að komast á milli staða en fjöldi flugmanna sem eru á lausu til að fljúga
þeim eru mun færri en þær pantanir sem á eftir að leggja inn til flugvélaframleiðanda næstu árin.
Mun fleiri flugmenn sækjast í að fljúga fyrir flugfélögin heldur en að fljúga
einkþaotum
Ríka og fræga fólkið notar fimmtung af öllum einkaþotum
Honeywell Aerospace telur að 7.600 nýjar einkaþotur og einkaflugvélar eigi eftir að hefja sig til flugs næsta áratuginn
sem bætast við þær 4.600 einkaþotur sem eru nú þegar í umferð í heiminum en slíkur fjöldi flugvéla
mun kosta þá viðskiptavini sem eru að kaupa þær samtals um það bil 32 þúsund milljarða króna eða um 4 milljarða
króna á hverja flugvél.
Talið er að um fimmtungur af þessum einkaþotum verði pantaðar til þess að fljúga frægu fólki og „ofurríkum“ einstaklingum
á milli heimila sinna eða til þeirra staða í heiminum sem þau vilja fara til hverju sinni en einnig eru einkaþotur notaðar af stórum fyrirtækjum til þess að fljúga stjórnarmeðlimum og forstjórum á milli staða og þá oft
í viðskiptaerindum.
Söngkonan Nicki Minaj fyrir framan einkaþotu á flugvellinum í Prag
Eftirspurnin ræðst oft af því að nýjar tegundur af einkaþotum koma á markaðinn með nýrri hönnun sem fellur
í kramið hjá viðskiptavinum. - „Fólk vill oft hafa það nýjasta og það besta“, segir Gaetan Handfield, markaðssérfræðingur
hjá Honeywell Aerospace.
Handfield telur að eftirspurnin eigi eftir að aukast áfram á þessu ári og árið 2021 en talið er að hún muni dvína
svo örlítið árið 2022 þar sem einkaþoturmarkaðurinn er seinna að bregðast við sveiflum samanborið við
farþegaflugið.
Flestir nýútskrifaðir atvinnuflugmenn stefna á að fljúga fyrir flugfélögin
Vandamálið hinsvegar er að ekki eru til nógu margir flugmenn til þess að fljúga öllum þessum einkaþotum
þar sem flestir þeir sem hafa útskrifast sem atvinnuflugmenn stefna á að starfa við að fljúga stórum farþegaflugvélum fyrir flugfélögin sem getur oft boðið upp á hærri laun og stöðugri
vinnutíma.
Margir flugmenn hafa þó sérstaklega kosið að fljúga einkaþotum og nefna ýmsa kosti við það starf samanborið við að fljúga farþegaþotum
Mismunandi rannsóknir og spár hafa verið gerðar varðandi hversu mikil þörf er fyrir nýja flugmenn á næstu
árum í heiminum og hafa spár tilgreint að það vanti allt að 98.000 nýja flugmenn til ársins 2038 á meðan
aðrar spár gera ráð fyrir að þörf sé fyrir nokkuð hundruð þúsundir flugmanna í framtíðinni en Boeing
telur að þörf sé fyrir 800.000 nýja flugmenn til ársins 2040.
Fyrirtækið Colibri Aircraft segir að í 70% tilfella, sem fyrirtækið hefur viðskipti með einkaþotur, koma upp vandamál með að finna áhafnir til þess að fljúga þeim fyrir flugrekendur og eigendur en fyrir 5 árum síðan komu slík vandamál upp í 20 prósent tilfella sem þykir endurspegla þörf fyrir fleiri flugmenn til að fljúga einkaþotum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.