flugfréttir
Aðskotahlutir finnast í eldsneytistönkum á 737 MAX
- Yfir 400 nýjar og óafhentar MAX-þotur verða skoðaðar
Nýsamsettar Boeing 737 MAX þotur við verksmiðjurnar í Renton
Boeing tilkynnti starfsmönnum sínum í gær að litlir aðskotahlutir hefðu fundist í eldsneytistönkum á nokkrum nýjum óafhentum Boeing 737 MAX þotum sem eru í geymslu en yfir 400 MAX-þotur hafa hrannast upp á nokkrum geymslusvæðum sem bíða þess að verða afhentar.
„Aðskotahlutir í eldsneytistönkum er eitthvað sem ar algjörlega óviðunandi og eitt slíkt tilfelli er of mikið“, sagði
Mark Jenks, yfirmaður yfir Boeing 737 MAX deildinni í Renton, í skilaboðum til starfsmanna sinna í gær.
Aðskotahlutur í eldsneytistönkum og í eldsneytiskerfi á flugvélum getur skapað stórhættu og meðal annars
stíflað eldsneytiskerfi eða valdið skemmdum í hreyfli með þeim afleiðingum að hann getur stöðvast í miðju flugi.
Ekki kemur fram hvaða tegund aðskotahlutirnir eru en meðal aðskotahluta sem sem geta fundist á nýjum þotum sem hafa ekki verið afhentar eru óhreinindi, agnir eða verkfæri eftir starfsmenn sem gleymst hafa í samsetningarferlinu í verksmiðjunni.
Frá verksmiðju Boeing í Renton
Fram kemur að Boeing ætli að rannsaka hvernig stendur á því að aðskotahlutir séu að greinast í eldsneytiskerfi
á nýjum þotum sem hafa ekki enn verið afhentar en Boeing segir að þetta muni þó ekki valda seinkun á því
að koma vélunum aftur í loftið að nýju.
Talið að rekja megi orsökina til gæðastjórnunar í lokasamsetningu í Renton
„Nú veltur það á ykkur að komast til botns í þessu. Við þurfum að vinna saman sem ein heild og hafa þetta
í forgangi. Ég þakka ykkur fyrir þann dugnað og metnað í að hafa öryggi og gæði að leiðarljósi í öllu því sem þið
gerið“, segir Jenks enn frekar í skilaboðum til starfsmanna.
Bandarísk flugmálayfirvöld (FAA) segja að þau séu meðvituð um að Boeing hafi fundið aðskotahluti í eldsneytistönkum
á nokkrum Boeing 737 MAX þotum og mun framleiðandinn framkvæma skoðanir á öllum þeim 400 þotum sem færðar
hafa verið til geymslu eftir að þær komu út úr verksmiðjunni til að ganga úr skugga um hvort fleiri þotur hafi aðskotahluti
í tönkunum.
Nýjar Boeing 737 MAX þotur hafa verið færðar til geymslu á fimm mismunandi stöðum í Bandaríkjunum
Fram kemur að það taki allt að fjóra daga að leita að frekari aðskotahlutum í eldsneytistönkum á hverri Boeing 737 MAX þotu en nýjar MAX-þotur hafa verið geymdar á fjórum mismunandi stöðum í Washington-fylki og einnig í San Antonio
í Texas. Tæma þarf allt eldsneyti úr tönkunum og losa allar gufur í burtu úr tönkunum áður en hægt verður að hefjast handa.
Talið er að aðskotahlutina megi rekja til vandamála í gæðastjórnun í samsetningarsal Boeing í Renton en fram kemur að þetta sé ekki í fyrsta skipti sem aðskotahlutur finnst í nýrri flugvél sem var nýbúin í samsetningu hjá Boeing.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.