flugfréttir
Boeing stöðvar framleiðsluna
- Verksmiðjum í Everett verður lokað vegna neyðarástands í Washington
Frá verksmiðjunum í Renton þar sem Boeing 737 MAX voru framleiddar en hlé var gert á framleiðslu á þeim fyrr á þessu ári
Boeing hefur tilkynnt að öll framleiðsla á flugvélum á Seattle-svæðinu verður stöðvuð vegna neyðarástands sem lýst hefur verið yfir í Washington-fylki vegna útbreiðslu kórónaveirunnar.
Í yfirlýsingu frá flugvélarisanum segir að búið er að draga stórlega úr allri starfsemi fyrirtækisins og
frá og með morgundeginum, 25. apríl, munu verksmiðjurnar loka tímabundið.
Lokunin mun vara að minnsta kosti í 14 daga og verður tíminn á meðan nýttur í að sótthreinsa og djúphreinsa
öll húsakynnin og undirbúa upphaf framleiðslunnar að nýju eftir að lokunin tekur enda.
Boeing hvetur þá starfsmenn sem geta unnið að heiman að gera slíkt áfram en þeir sem geta það
ekki munu fá greidd laun áfram næstu 10 daga.
„Þetta eru nauðsynleg skref sem við verðum að taka til að vernda starfsfólk okkar og allt samfélagið sem
við búum og störfum í. Við munum halda áfram að vera í nánu samstarfi við heilbrigðisyfirvöld og við erum
einnig í viðræðum við viðskiptavini okkar og birgja“, segir í yfirlýsingu frá Boeing.
Boeing hafði þegar hætt starfseminni í Renton þar sem Boeing 737 MAX þoturnar voru framleiddar en
verksmiðjan í Everett, þar sem Boeing 787, Boeing 777 og Boeing 747-8 eru framleiddar, munu loka á morgun.
Fram kemur að verksmiðjurnar í Suður-Karólínu verði opnar áfram eins og er auk verksmiðja
í Philadelphia og St. Louis þar sem þyrlur og herflugvélar eru framleiddar.
Washington-fylki hefur orðið sérstaklega illa fyrir barðinu á kórónaveirunni en þar hafa greinst 2.000 tilvik
af COVID-19 og 95 hafa látist.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.