flugfréttir
Rekstrarfé Norwegian verður á þrotum um miðjan maí
- Þurfa 41 milljarð króna til að bjarga rekstrinum í stuttan tíma
![](http://www.alltumflug.is/admin/uploadedfiles/news-1102082918.jpg)
Boeing 737-800 þotur Norwegian
Stjórn norska flugfélagsins varar við því að ef félagið fær ekki aðstoð í formi fjármagns á næstunni verður rekstarfé félagsins á þrotum um miðjan næsta mánuð.
Ríkisstjórn Noregs hafði áður í miðjum COVID-19 heimsfaraldrinum lýst því yfir að stjórnvöld væru reiðubúin til að veita félaginu opinbera aðstoð
upp á 3 milljarða norskra króna sem jafngildir 41 milljarði króna. Norwegian segir að það sé mjög krefjandi að félagið fái þá upphæð sem fyrst inn í reksturinn og
það helst fyrir miðjan maí áður en allur aurinn verður uppurinn hjá flugfélaginu.
Norwegian hefur aðeins 7 farþegaþotur í umferð sem fljúga í dag mjög takmarkað áætlunarflug en fyrir heimsfaraldurinn var Norwegian með um 90 þotur
í umferð sem tilheyra Norwegian Air Shuttle.
Norwegian gerir ekki ráð fyrir að leiðarkerfi félagsins verði orðið með eðlilegum hætti fyrr en árið 2022 og sér félagið ekki fram á að fljúga neitt langflug
fyrr en í fyrsta lagi í apríl árið 2021.
Þrátt fyrir þá þrjá milljarða norskra króna sem félagið getur fengið frá norskum stjórnvöldum þá er rekstur Norwegian enn í mikilli hættu þar sem
að skuldir félagsins eru mjög miklar en félagið stefnir á að draga úr skuldbindingum sínum um 73 milljarða króna og lækka mánaðarlegan kostnað vegna
leigu á flugvélum um 618 milljónir króna.
Norwegian hefur gert áform að endurreisn félagsins eftir kórónaveirufaraldurinn sem nefnist „New Norwegian“ sem miðar af því að einblína á áætlunarflug
milli Norðurlandanna og ætlar félagið því ekki að fljúga um gjörvalla Evrópu strax að faraldrinum loknum líkt og félagið gerði áður.
![](http://www.alltumflug.is/banners/samgongustofa_varpsvaedifugla_210921.jpg)
![](http://alltumflug.is/admin/uploadedfiles/news_1333070623.jpg)
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
![](http://alltumflug.is/admin/uploadedfiles/news_1409070523.jpg)
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
![](http://alltumflug.is/admin/uploadedfiles/news_1405070423.jpg)
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
![](http://alltumflug.is/admin/uploadedfiles/news_1331070423.jpg)
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
![](http://alltumflug.is/admin/uploadedfiles/news_1902062823.jpg)
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
![](http://alltumflug.is/admin/uploadedfiles/news_1317062823.jpg)
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
![](http://alltumflug.is/admin/uploadedfiles/news_1257062823.jpg)
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
![](http://alltumflug.is/admin/uploadedfiles/news_0848062623.jpg)
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.