flugfréttir
Munu kveðja Heathrow með samhliða flugtaki
- Síðustu tvær júmbó-þotur BA yfirgefa Heathrow þann 8. október
Tölvugerð mynd af „Negus“ og annarri júmbó-þotu British Airways í samhliða flugtaki frá Heathrow-flugvelli
Tvær síðustu júmbó-þoturnar í flota British Airways munu kveðja Heathrow-flugvöllinn með sérstöku kveðjuflugi þann 8. október næstkomandi og lýkur þá formlega 46 ára sögu júmbó-þotna félagsins á Heathrow.
Það er júmbó-þotan „Negus“, sem ber skráninguna G-CIVB og júmbó-þotan G-CIVY sem munu verða þær síðustu
til að yfirgefa Heathrow-flugvöll en þoturnar munu fara í loftið á sama augnabliki og og verða báðar flugbrautirnar á Heathrow
notaðar fyrir flugtökin þar sem þoturnar munu fara samhliða í loftið.
Önnur júmbó-þotan mun svo taka yfirflug yfir Heathrow-flugvöll í kveðjuskyni til að þakka fyrir þá tvo áratugi
sem vélarnar hafa verið í júmbó-þotuflota félagsins.
Áætlun brottför júmbó-þotnanna tveggja er klukkan 7:00 að íslenskum tíma en það gæti þó breyst vegna aðstæðna
og þá helst er kemur að flugrekstarlegum atriðum.
Retró-litirnir stoppuðu stutt við
Eitt og hálft er er liði frá því að Negus (G-CIVB) var máluð í sérstökum litum sem einkenna gömlu litina sem British
Airways notaði en Negus-litirnir voru kynntir árið 1940 við samruna BOAC (British Overseas Airways Corporation) og BEA (British European Airways) en litirnir voru hannaðir af hjónunum Dick og Pam Negus sem ráku saman auglýsingastofuna Negus Agency.
Retró-þotur British Airways, Landor, BOAC, Negus og BEA
Negus er ein af þremur júmbó-þotum British Airways sem voru málaðar í retró-litum árið 2019 auk einnar Airbus A319 þotu og hafa þær því
flogið tiltölulega fá flug þar til kórónaveirufaraldurinn skar út um örlög júmbó-þotnanna en British Airways tilkynnti
í sumar að félagið myndi losa sig við allar júmbó-þoturnar vegna ástandsins í flugiðnaðinum.
Um er að ræða sögulega stund þann 8. október næstkomandi en frá árinu 1974 hafa júmbó-þotur British Airways verið eitt helsta einkenni flugvallarins frá því félagið fékk fyrstu Boeing 747-100 júmbó-þotuna afhenta, fimm árum eftir að júmbó-þotan
flaug sitt fyrsta flug.
Árið 1977 fékk félagið sína fyrstu Boeing 747-200 þotu í flotann og árið 1989 var fyrsta Boeing 747-400 þotan
afhent til félagsins sem er sú tegund sem félagið hefur notast við í dag í yfir 30 ár.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.