flugfréttir
Isavia hlýtur ISO 14001 umhverfisvottun
18. nóvember 2021
|
Frétt skrifuð kl. 18:02
Flugstöð Leifs Eiríkssonar á Keflavíkurflugvelli
Isavia ohf. hlaut á dögunum ISO 14001 umhverfisvottun. Við innleiðingu á þessum umfangsmikla umhverfisstjórnunarstaðli voru umhverfisþættir í starfsemi fyrirtækisins greindir, komið á vöktun og stýringu fyrir hvern þeirra og sett markmið um að draga úr neikvæðum umhverfisáhrifum.
„Vöktun á umhverfisþáttum sem tengdir eru rekstri Isavia eru órjúfanlegur hluti af starfsemi fyrirtækisins,“ segir Hrönn Ingólfsdóttir, forstöðumaður stefnumótunar og sjálfbærni hjá Isavia. „Umhverfisstjórnunarkerfið myndar heildstæða umgjörð um þessa þætti og með því lágmörkum við áhættuna af því að starfsemi Isavia valdi neikvæðum umhverfisáhrifum.“
Innleiðing á ISO 14001 umhverfisstjórnunarstaðlinum er afar krefjandi ferli fyrir öll fyrirtæki, sér í lagi þau sem eru með umfangsmikinn og flókinn rekstur. „Að slíkri innleiðingu koma starfsmenn á öllum stigum og hver og einn verður að leggja sitt af mörkum til að sem mestur árangur náist fyrir fyrirtækið og samfélagið. Ég vil þakka öflugu starfsfólki Isavia fyrir þann góða árangur sem við höfum náð í umhverfismálum,“ segir Hrönn.
„Isavia hefur sett sér metnaðarfull markmið varðandi sjálfbærni og þá er virkt umhverfisstjórnunarkerfi mjög góð leið til að vinna stöðugt að þeim,“ segir Sveinbjörn Indriðason, forstjóri Isavia. „Með þessari nýju vottun er tryggt að við missum ekki sjónar á okkar skýru markmiðum. Við vinnum með skipulögðum hætti að stöðugum umbótum í umhverfismálum. Markmiðið er að starfsemi okkar á Keflavíkurflugvallar verði kolefnislaus árið 2030.“
„Það skiptir miklu máli fyrir Isavia að hafa vottað umhverfisstjórnunarkerfi. ISO 14001 vottunin nær þó ekki bara yfir núverandi starfsemi Isavia heldur einnig til þeirra framkvæmda sem nú standa yfir á Keflavíkurflugvelli,“ segir Hrönn Ingólfsdóttir. „Vottunin er enn ein staðfestingin á því að Isavia leggur mikla áherslu á sjálfbærni í starfseminni.“
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
