flugfréttir
Augnskannatækni til að skima fyrir þreytu meðal flugmanna
24. nóvember 2021
|
Frétt skrifuð kl. 19:02
Fyrirtækið Collins Aerospace hefur hafið samstarf við ástralska fyrirtækið Seeing Machines
Fyrirtækið Collins Aerospace hefur hafið samstarf við ástralska fyrirtækið Seeing Machines um möguleikann á því að nota augnskanna til að skima fyrir þreytu meðal flugmanna og fylgjast með augnhreyfingum þeirra.
Seeing Machinses sérhæfir sig í augnskannatækni og þróar meðal annars tækjabúnað sem getur greint
andlegt ástand og þreytu meðal fólks með því að mæla og skanna ástand á augum og fylgjast með hreyfingum þeirra.
Collins Aerospace mun fá aðgang að sjóntækjabúnaði Seeing Machines og úrvinnslukerfi og njóta
tækniþekkingar fyrirtækisins á sviði mannlegrar geta.
„Þessi tækni mun færa flugöryggi upp á annað stig þar sem hægt verður að meta betur árverkni og vitund
flugmanna með búnaði sem les í sjáaldur augnanna. Á meðan flest flugfélög nota ferla til þess að
greina þreytu meðal flugmanna þá mun þetta aðstoða betur við að meta þreytustig og alvarleika þreytunnar“, segir
í yfirlýsingu frá Seeing Machines.
Augnskannar geta fylgst með hreyfingu á augum flugmanna
Þreyta meðal flugmanna er vandamál sem flugiðnaðurinn hefur tekið traustari tökum undanfarin ár á
sama tíma og stórar flugvélar eru farnar að koma með aukið flugþol með tækni sem gerir þeim
kleift að fljúga mun lengri fjarlægðir á milli heimshorna.
Augnskannar geta fylgst með hreyfingu á augum flugmanna og með nýjustu tækni getur slíkur búnaður
greint hvort að þeir séu farnir að verða þreyttir og hvort þreytan sé komin á það stig að það geti haft áhrif á einbeitingu þeirra.
„Að gera sér grein fyrir andlegu ástandi flugmanna hverju sinni er mjög mikilvægt“, segir Christopher Blanc,
varaforstjóri Collins Aerospace, sem bætir því við að umhverfið í stjórnklefanum og líðan flugmanna skipti
einnig miklu máli er kemur að hönnun á flugstjórnarklefa. - „Þetta samstarf mun einnig auðvelda okkur
að greina starfsaðferðir flugmanna betur er kemur að hönnun“.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
