flugfréttir
Vara við hávaða í nýju hverfi sem mun rísa beint undir aðfluginu
- Brisbane-flugvöllur hvetur borgina til að vara framtíðaríbúa við hávaðanum
Boeing 737 þota frá Virgin Australia í aðflugi að flugvellinum í Brisbane í Ástralíu
Stjórn flugvallarins í áströlsku borginni Brisbane hafa beðið borgarstjórn borgarinnar að sjá til þess að þeir íbúar, sem koma til með að kaupa nýjar íbúðir í nýju hverfi sem er að rísa í borginni, verði varaðir við þeim hávaða sem mun fylgja því að búa á þeim stað.
Um er að ræða svæði nálægt
miðbænum sem áður var herstöð bandaríska flughersins í seinni heimstyrjöldinni
en nú stendur til að reisa þar 855 nýjar íbúðir.
Svæðið, sem nefnist Bulimba Barracks, er hinsvegar undir nýrri aðflugsleið að Brisbane-flugvellinum og
segir stjórn flugvallarins að hávaði frá flugvélum geti náð 70 desibilum sem
mun án efa valda óþægindum fyrir þá íbúa sem stefna á að kaupa íbúðir
í þessu nýja hverfi.
Stjórn Brisbane-flugvallarins hefur skrifað erindi til borgarinnar þar sem
hvatt er til þess að íbúum verði gert grein fyrir hávaðamenguninni þeirra
vegna og einnig til þess að takmarka þær kvartanir sem flugvellinum gæti
borist í framtíðinni.
„Hávaðalíkan sem gert hefur verið fyrir Brisbane-flugvöll sýnir að allt
Bulimba Barracks svæðið fellur inn í 60 desibila hávaðasvæðisins sem þýðir að
þær flugvélar sem fljúga þarna yfir munu allavega framkalla hávaða sem þessu
nemur og sumar flugvélar munu án efa ná 70 desibilum“, segir talsmaður
Brisbane Airport Corporation.
Nýja hverfið má sjá fyrir miðju við árbakkann og Brisbane-flugvöllur sést í fjarska hinumegin við ánna
Flugvöllurinn segist hafa töluverðar áhyggjur af þessu vandamáli
þar sem hávaði frá flugvélum sé mestur á þessu svæði og hvetur verktaka og hönnuði að gera ráð fyrir að viðeigandi
hávaðaeinangrun sé notuð þegar framkvæmdir hefjast á íbúðunum.
Fram kemur í erindi frá flugvellinum að ef þetta vandamál verði ekki
tekið með í reikninginn við framkvæmdir á íbúðunum gæti það orsakað
neikvæð áhrif með skertum lífsskilyrðum og deilum sem myndu valda
þess að skerða þurfi flugvallarstarfseminu.
Úr 15 kvörtunum á mánuði upp í 300 eftir að ný flugbraut var tekin í notkun
Adam Allan, skipulagsfulltrúi hjá borgarstjórn Brisbane, segir að verktakar
og skipuleggjendur nýja hverfisins séu að taka með í reikninginn hávaðamengun
og sé verið að meta þessi atriði.
Nýja hverfið verður staðsett beint undir aðfluginu að nýju flugbrautinni sem var tekin í notkun árið 2020
Nýja aðflugslínan að flugvellinum er tilkomin eftir að Brisbane-flugvöllur tók í notkun nýja flugbraut árið 2020 og eru báðar flugbrautirnar notaðar samtímis en um leið og brautin opnaði jókst fjöldi kvartanna frá íbúum upp úr öllu valdi og sérstaklega frá þeim sem búa í hverfinum Bulimba, Hawthorne, Hamilton, Balmoral og Ascot.
Fram kemur að áður en nýja flugbrautin var tekin í notkun bárust um 15
kvartanir vegna hávaða á mánuði en eftir að brautin var tekin í notkun í júlí í fyrra voru kvartanirnar orðnar um 110 talsins á mánuði og 300 talsins þegar mest var í ágúst.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.