flugfréttir
Möguleiki að sækja risaþotur úr geymslu til að anna eftirspurn
- Lufthansa sér fram á vanda í sumar vegna skorts á flugvallarstarfsfólki
5. maí 2022
|
Frétt skrifuð kl. 14:06
Ein af Airbus A380 risaþotum Lufthansa í langtímageymslu
Lufthansa segir að mögulega gæti risaþotan Airbus A380 bjargað félaginu að hluta til úr þeim vanda sem félagið, líkt og mörg önnur flugfélög standa frammi fyrir í sumar, er kemur að starfsmannaskorti á sama tíma og farþegum er að fjölga eftir heimsfaraldurinn.
Carsten Spohr, framkvæmdarstjóri Lufthansa, fór með ávarp í dag er afkoma Lufthansa Group eftir
fyrsta ársfjórðung var kynnt, og tók hann fram að bókanir hjá Lufthansa fyrir sumarið eru að verða
fleiri en bókanirnar vorið 2019, árið áður en heimsfaraldurinn skall á.
Vandinn sé hinsvegar sá að það er alvarlegur skortur að verða á starfsfólki á flugvöllum. „Við erum að leita
leiða til að finna lausnir á þessum vanda en ég efast um að við finnum neina lausn fyrir sumarið“, segir Spohr.
Spohr segir að að hann sé þrátt fyrir þetta mjög bjartsýnn á framhaldið og gerir hann ráð fyrir að
sætanýtingin meðal dótturfélaga Lufthansa Group verði í sumar um 75% af því sem var árið 2019.
Þá tekur hann fram að eftirspurnin sé ekki enn komin upp að þeim mörkum sem Lufthansa ráði ekki við
og að seinkanir á afhendingum frá Boeing muni ekki hafa áhrif á rekstur félagsins. Bendir hann
einnig á að Lufthansa sé ennþá með um fjórtán Airbus A380 risaþotur í geymslu á Spáni.
Lufthansa kom risaþotunum fyrir í langtímageymslu við upphaf heimsfaraldursins og tilkynnti félagið
þá að litlar líkur væru á því að risaþoturnar myndu snúa aftur í flotann. Nú hefur Boeing hinsvegar tilkynnt
um tveggja ára seinkun á Boeing 777X þotunni og segir Spohr að mögulega verði Lufthansa því að dusta
rykið af Airbus A380 þotunum og sækja þær frá Spáni.
Þá lagði Lufthansa einnig öllum Airbus A340-600 breiðþotunum sem eru einnig fjórtán talsins
en félagið ætlar að taka sex af þeim til baka og verða þær komnar í notkun í júlí í sumar til þess að
koma til móts við annasömustu mánuði sumarsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
