flugfréttir
Efast um að ná að skipta um ratjsárhæðarmála í tæka tíð
- Telja að einhver erlend flugfélög verði að hætta flugi til Bandaríkjanna
Í október voru skráð um 80 tilvik sem vitað er af þar sem ratsjárhæðarmælar í flugvélum vestanhafs urðu fyrir truflunum vegna 5G dreifikerfisins.
Erlend flugfélög, sem fljúga til Bandaríkjanna, hafa lýst því yfir að þau eigi í vandræðum með að koma fyrir nýjum ratsjárhæðarmælum um borð í flugvélar sínar í tæka tíð til þess að koma í veg fyrir mögulegar truflanir af 5G sendum en flugfélög hafa frest fram á næsta ári til þess að skipta um til að uppfylla kröfur bandarískra flugmálayfirvalda (FAA).
Málið hefur lengi verið til umræðu vestanhafs vegna truflana sem 5G farsímatæknin
getur haft á ratsjárhæðarmæla þar sem að sendarnir senda út á svipaðri tíðni og
ratsjárhæðarmælar í flugvélum.
Billy Nolen hjá Alþjóðasamtökum flugfélaganna (IATA) sendi bréf til bandarískra
flugmálayfirvalda (FAA) í gær þar sem hann segir að um 50 alþjóðleg flugfélög hafa
áhyggjur yfir því að ná ekki að skipta um hæðarmálabúnaðinn í tæka tíð.
Í bréfinu segir Nolen að það gæti orðið mjög krefjandi að uppfylla kröfur flugmálayfirvalda
sem gæti orðið til þess að þau þyrftu að hætta flugi til Bandaríkjanna tímabundið þegar
dagsetningin rennur upp sem ætlast er til að flugfélög verði búin að endurnýja
ratsjárhæðarmælanna.
Í brefinu segir einnig að aðalástæðan sé staða hjá birgjum en meðal flugfélaga sem
geta sennilega ekki náð að endurnýja búnaðinn um borð í flota sínum eru Aeromexico,
Air Canada, ANA (All Nippon Airways), British Airways, KLM, Korean Air, LATAM, Lufthansa, Qantas, Qatar Airways og Virgin Atlantic.
5G dreifikerfið sem búið er að koma upp víðvegar í Bandaríkjunum sendir út
á tíðninni 3.700-3.980 Mhz sem þykir mjög nálægt þeirri tíðni sem ratsjárhæðarmælar
nota sem er frá 4.200 til 4.400 Mhz.
Í október voru skráð um 80 tilvik sem vitað er af þar sem ratsjárhæðarmælar í flugvélum
vestanhafs urðu fyrir truflunum vegna 5G dreifikerfisins.
Um tvær dagsetningar er að ræða sem erlend flugfélög verða að ná að skipta um ratsjárhæðarmæla
fyrir en fyrri dagsetningin, sem tilheyrir Group 2 flokknum, er fyrir lok þessa árs
og á það við flugvélar af gerðinni Boeing 737, Boeing 747-400, Boeing 757 og Boeing 767.
Seinni dagsetningin er Group 3 sem nær yfir Boeing 787-8, Boeing 777, Airbus A320, Airbus A330, Airbus A340, Airbus A380 og Bombardier CRJ og þarf að vera búið að endurnýja búnaðinn í þessum flugvélum fyrir júlí 2023.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.