flugfréttir

Lenti of snemma fyrir utan brautarenda á Schiphol-flugvelli

- Stysta flugbrautin var í notkun vegna hvassviðris

12. janúar 2023

|

Frétt skrifuð kl. 16:31

Ummerkin við brautarendann á Oostbaan-brautinni (runway 22)

Farþegaþota af gerðinni Airbus A330-300 frá Delta Air Lines olli skemmdum á flugbrautarljósum og yfirlagi á flugbraut eftir að hún snerti með hjólin utan brautarenda á Schiphol-flugvellinum í Amsterdam í gær.

Þotan var að koma frá Detroit og var braut 22/04 í notkun sem kölluð er austurbrautin eða „Oostbaan“ á hollensku.

Oostbaan er ein af sex flugbrautum á Schiphol og er hún vanalega ekki í notkun en hún er stysta flugbrautin á Schiphol og aðeins 2 kílómetrar á lengd á meðan lengstu brautirnar eru 3.8 kílómetrar á lengd.

Brautin var notuð þennan morguninn vegna hvassviðris og var aðvörun í gangi vegna vinds þá stundina sem þotan frá Delta var að koma frá Bandaríkjunum.

Airbus A330-300 þota frá Delta Air Lines í lendingu á Schiphol-flugvellinum í Amsterdam

Þotan snerti með aðalhjólastellin skammt fyrir utan brautarendann á graslendi og rakst í flugbrautarljós en talsmaður flugvallarins segir að lendingin hafi ekki tekist eins og til var ætlast.

„Hjólin lentu á grasinu áður en flugbrautin byrjaði. Svona atvik eru ekki algeng á flugvellinum. Það urðu nokkrar skemmdir á austurbrautinni. Viðgerðir hófust þegar í stað og tvö ljós voru ennþá óvirk um hádegi. Brautin var úr noktun í um klukkustund“, segir talsmaður flugvallarins.

Fyrrum formaður félags hollenskra flugmanna segist ekki muna að svona hafi gerst áður og tekur hann fram að braut 22 er töluvert styttri en aðrar brautir. „Það er mögulegt að rangt mat hafi verið gert en það er eitthvað sem verður rannsakað“.

Rannsóknarnefnd flugslysa í Hollandi var send á vettvang og verður bráðabirgðaskýrsla birta á næstunni og mun þá koma í ljós hvort þörf sé á frekari rannsókn á atvikinu.

Þess má geta að þotan yfirgaf brautina um taxiway G4 og þurfti um 1.270 metra til þess að hægja á sér og hélt hún að flugstöðvarbyggingunni þrátt fyrir atvikið.







  fréttir af handahófi

  Nýjustu flugfréttirnar

Icelandair staðfestir pöntun í allt að 25 Airbus A321XLR þotur

6. júlí 2023

|

Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.

Hefja rannsókn á endurfjármögnun SAS í kóvidinu

5. júlí 2023

|

Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha

Tólf slösuðust um borð eftir mikla ókyrrð

4. júlí 2023

|

Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.

Air Atlanta Europe leigir tvær 777-300ER til Saudia

4. júlí 2023

|

Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.

Þota frá Delta lenti með nefhjólið uppi í Charlotte

28. júní 2023

|

Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.

Airbus gerir samning um þróun á eldsneyti úr etanóli

28. júní 2023

|

Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.

Skortur á flugumferðarstjórum vestanhafs veldur áhyggjum

28. júní 2023

|

Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka

Pólsk farþegaþota flaug óvart inn í úkraínska lofthelgi

26. júní 2023

|

Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.

Vinna að því að stytta biðtíma fyrir vottanir og skráningar

23. júní 2023

|

Bandarísk flugmálayfirvöld (FAA) ætla sér að stytta biðtíma eftir skráningum flugvéla og útgáfu vottanna með því að einfalda ferlið og ná með því niður þeirri bið sem viðgengist hefur.

Fækka fraktþotum enn frekar vegna dvínandi eftirspurnar

23. júní 2023

|

Vöruflutningarisinn FexEx ætlar að kyrrsetja enn fleiri fraktflugvélar sökum tapreksturs auk þess sem rekstrartekjur fyrirtækisins hafa dregist töluvert saman auk þess sem að eftirspurn eftir fraktf

 síðustu atvik

  2023-01-17 12:00:00

  • 1 JAN

    United

      - Hjólabúnaður

  • 1 JÚL

    Tajik Air

      - Þrýstingsjöfnun

  • 1 JAN

    SWISS

      - Veðurratsjá

  vinsælast síðustu 7 daga