Blöskrar hvað nýir þotuhreyflar hafa stuttan líftíma

- Segir vandamál með skort á varahlutum gjörsamlega óviðundandi

21. júní 2023

|

Frétt skrifuð kl. 12:44

Willie Walsh, yfirmaður Alþjóðasamtaka flugfélaganna (IATA)

Willie Walsh, formaður Alþjóðasamtaka flugfélaganna (IATA), segist undrandi yfir þeim vandamálum er varðar nýjustu þotuhreyfla í heiminum í dag og líftími þeirra sem hann segir að sá sá stysti sem hann hefur orðið vitni að frá því hann hóf sinn feril í flugbransanum.

Walsh hélt ræðu á flugsýningunni í París í víkunni þar sem hann tók fram að mörg flugfélög eru að verða fyrir barðinu á ýmsum vandamálum er varðar líftíma nýjustu kynslóða af hreyflum og þá lýsir hann furðu sinni yfir þeim seinagangi er kemur að skorti á varahlutum hjá birgjum.

„Það fylgir því mikil gremja að vera með flugvél og geta ekki flogið henni. Þetta er að ganga allt of langt. Það ríkir mikill pirringur meðal flugfélaga vegna seinkana hjá birgjum og það virðist ekki sjá fyrir endann á þessu vandamáli“, segir Walsh, sem segir þetta vera gjörsamlega óviðundandi.

Fram kemur að verst sé staðan hjá hreyflaframleiðandanum Pratt & Whitney sem framleiðir PW1500G hreyfilinn fyrir Airbus A220 þoturnar og tekur hann fram að flugfélagið Air Baltic hefur þurft að skipta 220 sinnum um hreyfla á þeim 40 þotum sem félagið hefur í flota sínum af þeirri gerð.

Þá segir Walsh vera mjög undrandi yfir því þegar forstjórar flugfélaganna tjá honum um hversu stuttan líftíma þessir nýju hreyflar hafa og dvelja þeir aðeins í stutta stund undir vængjum flugvélanna.

Tim Clark, forstjóri Emirates hefur meðal annars greint frá því hversu stutt þeir hafa getað notað sína hreyfla.

Walsh segir að hreyflaframleiðendur verði að taka ábyrgðina á sig í stað þess að skella skuldinni eingöngu á birgja og þá framleiðendur sem framleiða íhluti í þá.

Rob Watson, formaður Rolls-Royce, segir að hreyflaframleiðendur séu komnir að þolmörkum og eru að ná allri þeirri frammistöðu sem tæknin býður upp á er varðar afkastagetu og sparneytni og segir hann að það sé að bitna verulega á endingartíma hreyflanna.

Þrátt fyrir að Rolls-Royce sé ekki að uppskera sömu vandamál og aðrir framleiðendur þá hafa þeir einnig orðið varir við ótímabæra tæringu á íhlutum er kemur að Trent 1000 hreyflinum.

Watson segir sannfærður um að iðnaðurinn muni komast yfir þessi vandamál en það mun þó ekki gerast á einni nóttu.