flugfréttir

Rannsakað verður hvort að malasíska vélin hafi náð að lenda einhvers staðar

- Samsæriskenningar á Netinu verða sennilega teknar fyrir

24. apríl 2014

|

Frétt skrifuð kl. 19:50

Rannsóknarnefndin hefur farið í gegnum aragrúa af upplýsingum þar sem hvert einasta atriði og atburðarrás hefur verið tekin fyrir en án árangurs

Alþjóðlegur rannsóknarhópur (ITT - International Investigation Team), sem rannsakar hvarf malasísku farþegaþotunnar, hefur nú sagt að verið sé að skoða þann möguleika hvort að vélin hafi ekki farist í Suður-Indlandshafi og þess í stað verður einblínt á þann möguleika á að henni hafi verið lent á einhverjum leynilegum stað í samræmi við margar samsæriskenningar sem hafa verið í gangi.

"Möguleiki er að vélin hafi náð að lenda einhversstaðar ef neðansjávarleitin mun ekki bera neinn árangur þegar henni lýkur og einnig í ljósi þess að enn hefur ekki fundist eitt einasta brak úr vélinni", segir einn rannsóknaraðilinn í viðtali við malasíska fréttamiðilinn The Strait Timess.

"Samt sem áður er erfitt að gera sér í hugarlund að eitthvað eitt tiltekið land sé með vélina í felum þar sem yfir 20 þjóðir hafa tekið þátt í leitinni".

Rannsóknarhópurinn hefur ekki myndað sér skoðun um í hvaða landi vélin hafi lent en eins og staðan er nú er erfitt að fullyrða að vélin hafi farið í sjóinn. Hópurinn segir að brátt verði öll spilin stokkuð upp á nýtt og verða þá teknar fyrir allar þær kenningar sem hafa verið á kreiki um að vélin lenti einhversstaðar og verði þá hætt að einblína á þann eina möguleika sem allt hefur snúist um hingað til. sem er að vélin hafi farist yfir Indalnshafi, vestur af Ástralíu.

Gæti verið að kenningin, um að vélin hafi hrapað í sjóinn, verði fleygt til hliðar um sinn

Sá rannsóknaraðili, sem ræddi við New Strait Times, sagði að þrátt fyrir allar upplýsingarnar frá gervitunglum, útreikningum og hljóðbylgjum sem greindust í sjónum, sem talið var koma frá svörtu kössunum, þá gæti farið svo að öllum kenningum um að vélin hafi farist í sjóinn, verði fleygt til hliðar þar sem engar vísbendingar hafi komið fram sem hafi skilað árangri.

Nokkrar vikur er síðan að rússneska leyniþjónustan sagði að vélin hafi lent í eyðimörk í Afghanistan og allir sem voru um borð séu á lífi og einnig hafa augu margra beinst að bandarísku herstöðinni Diego Garcia í Indlandshafi.

Rannsóknarnefndin hefur tekið fyrir flestar aðstæður og tilgátur

Rannsóknarnefndin, sem staðsett er í Kuala Lumpur hefur unnið í samstarfi við aðila frá bandarískum flugmálayfirvöld (FAA) og samgönguöryggisnefnd Bandaríkjanna (NTSB) að rannsókninni ásamt sérfræðingum frá mörgum þjóðum.

Rannsóknarhópurinn hefur farið í gegnum aragrúa af upplýsingum, kenningum, kortum og gögnum frá gervihnöttum, útreikningum og fjölda upplýsinga og rannsóknarskýrslum um bakgrunn þeirra farþega og áhafnarmeðlima sem voru um borð. Einnig hafa færustu flugvélaséfræðingar og starfsmenn Boeing og Rolls-Royce verið fengnir til í þeim tilgangi að átta sig á því hvort orsök hvarfsins sé hægt að rekja til tæknilegrar bilunnar af einhverju tagi.

Allar kenningar hafa verið teknar upp á borðið og því næst hefur verið unnið út frá því að gera sér í hugalund hver orsökin hefði verið er hinar og þessar aðstæður hefðu komið upp á en hver einasta tilgáta sem hefur verið tekin fyrir hefur vakið upp margar spurningar um þá keðjuverkun sem hefði farið í gang hverju sinni sem hefur leitt rannsóknaraðila inn blindgötur.

Eina sem er vitað með vissu er að um er að ræða eitt dularfyllsta hvarf í nútíma farþegaflugi, dýrustu leitaraðgerðir sem farið hafa fram og dýpstu neðansjávarleit sem framkvæmd hefur verið.

Myndband:







  fréttir af handahófi

Sækja um flugrekstarleyfi í Furstadæmunum

9. mars 2020

|

Ungverska lágfargjaldafélagið Wizz Air hefur formlega sótt um flugrekstarleyfi í Sameinuðu arabísku furstadæmunum fyrir nýju dótturflugfélagi sem verður með höfuðstöðvar þar í landi.

Afhendingar á ARJ21 þotunni frá COMAC hefjast að nýju

28. apríl 2020

|

Það hefur ekki borið eins mikið á að flugvélaframleiðendur hafi verið að afhenda nýjar farþegaþotur til viðskiptavina sl. vikur enda hefur flugiðnaðurinn orðið verulega fyrir barðinu á COVID-19 heim

Sagt að 10 prósent starfsmanna verði sagt upp hjá Boeing

23. apríl 2020

|

Sagt er að Boeing sé að íhuga uppsagnir og er haft eftir tveimur heimildarmönnum að flugvélaframleiðandinn ætli að segja upp 10 prósent af öllum þeim mannafla sem starfar í farþegaþotudeildinni.

  Nýjustu flugfréttirnar

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin

Láta af hendi 48 lendingarpláss í Frankfurt og Munchen

1. júní 2020

|

Stjórn Lufthansa hefur samþykkt að uppfylla kröfur þýska ríkisins og láta af hendi lendingar- og afgreiðslupláss á flugvöllunum í Frankfurt og í Munchen í skiptum fyrir fjárhagsaðstoð upp á 9 milljar

Um 60.000 störf í hættu ef SmartWings fer í gjaldþrot

29. maí 2020

|

Óttast er að það gæti haft áhrif á allt að 60.000 störf sem eru í hættu ef tékkneska fyrirtækið SmartWings Group verður gjaldþrota en fyrirtækið á meðal annars flugfélagið Czech Airlines.

Kínversk flugfélög fljúga fleiri flugferðir en þau bandarísku

29. maí 2020

|

Fleiri flugferðir áttu sér stað í farþegaflugi í Kína í maí heldur en í Bandaríkjunum og er þetta í fyrsta sinn sem farþegaflugið í Kína nær farþegafluginu í Bandaríkjunum er kemur að fjölda flugferð

Lenti á lokaðri flugbraut til þess að komast á ströndina

29. maí 2020

|

Slökkvilið á herflugvelli í Wales í Bretlandi þurfti að hafa afskipti af flugmann einum sl. mánudag eftir að hann lenti flugvél sinni þrátt fyrir að flugvöllurinn var lokaður.

Umhverfisvænni aðferð prófuð til að aka flugvélum á Schiphol

28. maí 2020

|

Hollenska flugfélagið KLM Royal Dutch Airlines hefur hafið tilraunir með sjálfbæra tækni við akstur flugvéla á Schiphol-flugvellinum í Amsterdam.

EasyJet stefnir á að segja upp um þriðjung starfsfólks

28. maí 2020

|

Breska lágfargjaldafélagið easyJet segir að til standi að segja upp um 30 prósent af öllu starfsfólki á næstunni sem samsvarar 4.500 starfsmönnum og þá stendur einnig til að fækka flugvélunum í flot

American hætt við að sækja um gjaldþrotavernd

27. maí 2020

|

American Airlines er hætt við áform um að sækja um gjaldþrotavernd og greiðslustöðvun en Doug Parker, framkvæmdarstjóri félagsins, segir að eftirspurnin hafi verið að aukast sl. daga.

Bókanir hrúgast inn hjá Ryanair

27. maí 2020

|

Írska lágfargjaldafélagið Ryanair segir að gríðarleg fjölgun hafi átt sér stað í bókunum á síðustu dögum eftir að félagið tilkynnti um fyrirhugaða endurkomu og fjölgun flugferða eftir COVID-19 heimsf

 síðustu atvik

  2019-01-01 20:20:00