flugfréttir

Ástralskt einkafyrirtæki telur sig hafa fundið flak af farþegaþotu í Bengalflóa

- Notuðu segulómun til að skima eftir efnasamböndum í sjónum

30. apríl 2014

|

Frétt skrifuð kl. 00:48

Myndir sem gerðar eru úr upplýsingum úr rannsókninni þar sem geislaaðerð var beitt til að skynja efnasambönd í sjónum

Ástralskt einkafyrirtæki, sem starfar á sviði landafræðirannsókna, segist hafa fundið flak af farþegaþotu í Bengalflóanum milli Búrma og Indlands sem mögulega gæti verið flakið af malasísku farþegaþotunni.

Fyrirtækið, GeoResonance, sem hefur höfuðstöðvar í Adelaide, telur að vel sé þess virði að rannsaka umrætt flak en staðsetningin er þó fjarri þeim stað þar sem leitin hefur farið fram í Suður-Indlandshafi síðustu vikur en kemur samt heim og saman miðað við þá stefnu sem vélin flaug er hún sást seinast á ratsjá malasíska hersins, áður en hún átti að hafa tekið beyjuna til suður niður Indlandshafið.

Samhæfingarmiðstöð leitarinnar í Perth í Ástralíu er ósammála yfirlýsingu fyrirtækisins GeoResonance og segir talsmaður miðstöðvarinnar að leitin muni halda áfram á þeim stað þar sem leitar er nú samkvæmt áætlun.

"Við erum ekki að segja að við séum vissir um að þetta sé flug MH370 en við teljum að yfirvöld eigi að skoða þennan stað", sagði David Pope, yfirmaður GeoResonance í viðtali við fréttastöðina Channel 7 News.

Fyrirtækið notaði sérstaka geislaefnaaðferð með kjarnorkusegulómun sem skimar með fjarlægri skynjun eftir þeim efnasamböndum og þ.á.m. þeim efnum sem Boeing 777 farþegaþotan er smíðuð úr en aðgerðin fram á 2 milljón ferkílómetra svæði á Bengalflóanum og fram komu á einum stað efni í sjónum sem samanstóðu af áli, títaníum, kopar og koltrefjaplasi ásamt leifum af þotueldsneyti.

GeoResonance bar saman tvær gervitunglamyndir sem teknar voru á sama stað, fyrir og eftir hvarf vélarinnar, (þann 5. og 10. mars) og kom í ljós mismunur sem gæti bent til þess að um slysstað sé að ræða en staðsetningin er um 190 kílómetra suður af Bangladesh.

Eru hissa hversu áhugalaus yfirvöld eru gagnvart þessum upplýsingum

Hishammuddin Hussein, samgönguráðherra Malaysíu, sagði að yfirvöld í Kína og í Ástralíu væru kunnug um þessa yfirlýsingu og væri verið að vinna að því að kanna áreiðanleika þessara heimilda.

GeoResonance sagði að fyrirtækið hefði byrjað að leita að vélinni löngu áður en leitin hófst í Suður-Indlandshafi og hafi eina hvattningin verið í þeim tilgangi að hjálpa aðstandendum og fjölskyldum sem áttu ættingja um borð í vélinni.

"Við vissum að við höfðum yfir að ráða þeim búnaði sem nýtist vel í svona leit", segir í yfirlýsingu frá GeoResonance en fyrirtækið sagði að það hefði gefið rannsóknaraðilum frumskýrslu með niðurstöðum þann 31. mars og varð fyrirtækið mjög hissa yfir því hversu áhugalausar undirtektirnar voru.

David Pope segir að upphaflega stóð til að gera niðurstöðurnar ekki opinberlegar og koma þeim frekar áleiðis til rannsóknaraðila en eftir að í ljós kom hversu áhugalaus stjórnvöld voru þá var ákveðið að fara þá leið að birta þær í fjölmiðlum í von um að upplýsingarnar séu teknar alvarlega.

Hvaða tækni er GeoResonance að nota?

GeoResonance sérhæfir sig í landfræðirannsóknum og hefur fyrirtækið m.a. notað kjarnorkusegulómun til að leita eftir efnum í jörðinni á borð við olíu, vatni, úraníum og jafnvel demöntum.

Tækniaðferðin sem fyrirtækið notar var upphaflega notuð af Sovíetríkjunum til að skima eftir kjarnorkuvopnum neðansjávar eða í neðanjarðarbirgjum.

Fyrir utan að leita að náttúruauðlindum hefur fyrirtækið einnig notað þessa tækni til að leita að öðrum hlutum á borð við niðurgrafnar byggingar, hluti sem eru undir jörðu og einnig nýtist hún við leit að skipum eða flugvélum.

"Það sem við gerum er að við leitum eftir kjarna atóma, kopar eða nikkel og þessvegna vissum við að við höfðum yfir að ráða tækni til að leita að flugvél", segir David Pope hjá GeoResonance.

"Við byrjuðum að skima eftir áli en 70 prósent af flugvélinni er úr því efni - þegar við náðum að greina það þá var skimað eftir títaníumi, svo kopar, stáli, nikkeli, járni og krómi - Það sem þessar myndir eru að sýna gæti verið sennilega flak af flugvél".







  fréttir af handahófi

Airbus hættir að birta listaverð á nýjum þotum

2. júlí 2019

|

Airbus ætlar að hætta að birta formlegan verðlista fyrir þær flugvélar sem framleiðandinn smíðar eins og gert hefur verið í mörg ár.

Fyrsta afríska flugfélagið til að fá afhenta Airbus A320neo

6. ágúst 2019

|

Air Seychelles hefur tekið við sinni fyrstu Airbus A320neo þotu og er flugfélagið fyrsta félagið í Afríku til að taka í notkun A320neo.

Fimm ár síðan að flug MH17 var skotið niður yfir Úkraínu

17. júlí 2019

|

Fimm ár eru í dag liðin frá því að Boeing 777 farþegaþota, flug MH17, á vegum Malaysia Airlines fórst nálægt bænum Hrabove í Úkraínu eftir að hafa verið skotin niður með flugskeyti á leið sinni frá A

  Nýjustu flugfréttirnar

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

Japan Airlines sektað um 37 milljónir vegna tveggja seinkana

16. september 2019

|

Samgönguráðuneyti Bandaríkjanna hefur sektað Japan Airlines um 37 milljónir króna vegna tveggja seinkana þar sem farþegar þurftu að bíða í meira en fjórar klukkustundir inni í flugvélum félagsins áðu

Síðasta flug Travolta með 707 til Ástralíu tefst vegna viðhalds

16. september 2019

|

Allt bendir til þess að ekki verði hægt að ferjufljúga Boeing 707 þotu John Travolta sem hugðist fljúga þotunni frá Bandaríkjunm til Ástralíu í nóvember og það í síðasta sinn.

Turkmenistan Airlines pantar Boeing 777-200LR

15. september 2019

|

Turkmenistan Airlines hefur fest kaup á einni Boeing 777-200LR þotu sem félagið á von á að fá árið 2021.

Fékk kvíðakast í aðflugi og yfirgaf stjórnklefann

15. september 2019

|

Flugmaður hjá easyJet yfirgaf flugstjórnarklefa á farþegaþotu eftir að hann fékk kvíðakast þegar vélin var að nálgast lokastefnu inn til lendingar á flugvellinum í Glasgow.

Missti kaffibollann og hellti kaffi yfir fjarskiptabúnað

12. september 2019

|

Rannsóknaraðilar í Bretlandi hafa komist að því að flugstjóri einn á Airbus A330 breiðþotu frá flugfélaginu Condor notaði ekki glasahaldara fyrir kaffibollann sinn sem varð til þess að hann hellti óv

FAA íhugar að fyrirskipa skoðun á hreyflum á A220

12. september 2019

|

Bandarísk flugmálayfirvöld (FAA) íhuga nú að fara fram á að ítarleg skoðun verði framkvæmd á hreyflum á Airbus A220 (CSeries) þotunum í kjölfar þriggja atvika sem hafa komið upp þar sem slökkva þurf

 síðustu atvik

  2019-01-01 20:20:00