flugfréttir

Vill að óháðir aðilar rannsaki hvarf vélarinnar en ekki yfirvöld

- "Erfiðast að lifa í óvissunni" - Hafa ekki trú á upplýsingum frá gervihnöttum

8. maí 2014

|

Frétt skrifuð kl. 18:56

Sarah Bajc vill að öll gögn rannsóknarinnar og þ.á.m. úr gervihnöttum verði komið til óháðrar aðila

Tveir mánuðir eru í dag síðan að malasíska farþegaþotan hvarf á leið sinni frá Kuala Lumpur til Peking og eru rannsóknaraðilar komnar á byrjunarreit og eru engu nær þrátt fyrir að leitin sé orðin sú dýrasta sem sögur fara af.

Notnotendur á samfélagsmiðlum á borð við Twitter hafa velt fyrir sér þeirri fækkun sem orðið hefur á fréttaflutningi af vélinni í stærstu fjölmiðlum heimsins á síðustu dögum frá því að yfirvöld tilkynntu að verið væri að undirbúa næstu lotu í leitinni.

Neðansjávarleit á hafsbotni á leitarsvæðinu í Suður-Indlandshafi hefur engann árangur borið en ástralska skipið Ocean Shield, þaðan sem kortlagningu var stjórnað með sjálvirka kafbátnum Bluefin-21, hefur verið núna í höfn í Ástralíu til að sækja birgðir.

Rannsóknaraðilar hafa sest aftur niður að borðinu og rýna nú í þær takmörkuðu upplýsingar sem eru fyrir hendi og er verið að rekja slóðina upp á nýtt og ganga úr skugga um að allir útreikningar hafi verið gerðir rétt þegar leitin hófst.

Útreikningar frá gervihnettinum Inmarsar-3 bentu til að vélin hefði farist í Suður-Indlandshafi

Hafa ekki trú á gervitunglaupplýsingar og undrast að Suður-Indlandshaf sé eini möguleikinn

Yfir 350 aðstandendur og fjölskyldur, sem áttu ættingja um borð í vélinni, sendu sl. þriðjudag opinbert bréf til yfirvalda í Malaysíu, Kína og Ástralíu þar sem lýst var yfir vantrú á leitaraðgerðum og ættingjar spyrja í bréfinu hversvegna stjórnvöld eru svona sannfærð um að vélin hafi farist yfir Suður-Indlandshafi þegar engin ummerki hafa komið í ljós um vélina og ekkert flak fundist.

Í bréfinu segjast fjölskyldurnar vera mjög ósammála þeim tölfræðiupplýsingum sem færðar hafa verið fram sem eiga að styðjast við útreikninga frá gervitunglum og segja aðstandendur það undarlegt að ekki sé athugað með þann möguleika að flugvélin hafi flogið í allt aðra átt og mæla þau með því að horft sé út fyrir kassann.

Betra að vita að ættingjarnir séu látnir heldur en að lifa í óvissunni

Sarah Bajc, unnusta tölvufræðingsins frá Texas, Peter Wood, sem var farþegi um borð í vélinni, sagði að hún og aðstandendur hafa ekki trú á hvernig staðið hafi verið að rannsókninni og bendir hún á að aðrir, óháðir aðilir ætti að koma að rannsókninni áður en hlutirnir fari á verri veg.

Sarah Bacj ásamt unnusta sínum Peter Wood sem var um borð í vélinni

Bajc sagði að lifa í óvissunni væri verra en að vita að ættingjarnir væru ekki á lífi. - "Ef við vissum að ættingjar okkar væru látnir þá gætum við syrgt þá og haldið áfram með líf okkar - Það að vita ekkert er það versta", segir Bajc sem tekur fram að malasísk stjórnvöld hafi ekki hlustað á fjölskyldurnar í 2 mánuði frá því vélin hvarf.

Vill að aðrir og óháðir aðilar taki að sér rannsóknina

Bajc sagði að stjórnvöld ættu ekki að stýra rannsókninni og ætti að koma öllum upplýsingunum í hendurnar á Wood Hole Oceanographic Institute hafrannsóknarstofnunina (WHOI) sem er sú stofnun sem fann flak Air France vélarinnar árið 2011, tveimur árum eftir að hún fórst.

Sarah Bacj kom með þessa yfirlýsingu nokkrum klukkutímum eftir að yfirvöld í Ástralíu lýstu því yfir að sennilega tæki það tvær vikur að fara yfir öll gögnin aftur til að ganga úr skugga um að útreikningar á gervihnattarupplýsingum og gögnum úr ratskjá væru réttar.









  fréttir af handahófi

Múslimabann Trumps hefur áhrif á vaktir áhafna hjá Emirates

30. janúar 2017

|

Emirates hefur neyðst til þess að breyta vöktum hjá nokkrum flugmönnum og flugliðum sem áttu að fljúga til Bandaríkjanna á næstu dögum í kjölfar nýrra laga sem Donald Trump, Bandaríkjaforseti, hefur

Lufthansa Technik opnar starfsstöð í Dubai South hverfinu

21. febrúar 2017

|

Ný viðhaldsmiðstöð Lufthansa Technik í Miðausturlöndum hefur hafið starfsemi sína í Dubai í flugmálahverfinu (Aviation District) í suðurhluta Dubai.

Ekki tókst að koma fjórðu MRJ-þotunni til Bandaríkjanna

5. janúar 2017

|

Japanski flugvélaframleiðandinn Mitsubishi Aircraft náði ekki að ferja fjórðu Mitsubishi Regional Jet (MRJ) tilraunaþotuna yfir til Bandaríkjanna eins og áætlað var fyrir lok ársins 2016.

  Nýjustu flugfréttirnar

Airbus A320neo þota WOW air í 1.sæti á Airliners.net

25. mars 2017

|

Ljósmynd af fyrstu Airbus A320neo þota WOW air er nú í 1. sæti yfir vinsælustu myndirnar á vefsíðunni Airliners.net.

Aukning í að flugmenn falli á fíkniefnaprófi í Bandaríkjunum

24. mars 2017

|

Aukning hefur orðið á þeim tilfellum þar sem flugmenn hafa fallið á lyfjaprófi og greinst undir áhrifum vímuefna í atvinnuflugi.

„Airbus A380 var hönnuð fyrir 700 farþega en ekki til að fara í sturtu í 38.000 fetum“

24. mars 2017

|

Framkvæmdarstjóri Malaysia Airlines telur að flugfélögin hafi misskilið risaþotua Airbus A380 og ekki notað hana í þeim tilgangi sem vélin var hönnuð fyrir.

London Gatwick fyrsti áfangastaður RwandAir í Evrópu

23. mars 2017

|

RwandAir stefnir á að fljúga sitt fyrsta flug til Evrópu í sumar með flugi frá Kigali í Rúanda til Gatwick-flugvallarins í London.

Þúsund farþegar hafa nýtt sér beint flug til Akureyrar

23. mars 2017

|

Í gær fór þúsundasti farþeginn með beinu flugi Flugfélags Íslands milli Keflavíkurflugvallar og Akureyrar.

Emirates mun hætta með júmbó-þotur í fraktflugi

23. mars 2017

|

Emirates SkyCargo ætlar að hætta með júmbó-fraktþoturnar en félagið hefur að undanförnu haft tvær Boeing 747-400F fraktvélar í flota sínum.

Virgin America mun heyra sögunni til árið 2019

23. mars 2017

|

Virgin America mun heyra sögunni til eftir tvö ár en Alaska Airlines hefur tilkynnt að félagið ætli að sameina rekstur Virgin America og verður nafn þess og merki látið falla niður.

Dómarar grunaðir um misnotkun í starfi í flugvallarmáli í Vín

22. mars 2017

|

Saksóknari í Austurríki hefur hafið rannsókn á tveimur dómurum sem eru grunaðir um að hafa misnotað stöðu sína í opinberu starfi til að hafa áhrif á dóm sem féll nýverið þar í landi vegna fyrirhugaðr

Tveir íbúar kvörtuðu 2.000 sinnum undan hávaða frá Calgary-flugvelli árið 2016

22. mars 2017

|

Árið 2016 bárust yfir 6 þúsund kvartanir undan hávaða frá flugvellinum í Calgary í Kanada en helmingurinn af þessum kvörtunum komu frá tveimur manneskjum.

Finnair hættir flugi tímabundið til Miami

22. mars 2017

|

Finnair mun setja flug til Flórída á hilluna með því að hætta tímabundið að fljúga til Miami en félagið hóf áætlunarflug þangað árið 2015.