flugfréttir

Leitin að malasísku vélinni hafin að nýju eftir stutt hlé

- Bilun í kafbátavélmenninu Bluefin-21 gæti tafið leit um fjóra daga

14. maí 2014

|

Frétt skrifuð kl. 23:24

Leit hófst að nýju í gær með sjálfvirka kafbátarvélmenninu Bluefin-21 í gær

Tæknilegir örðugleikar hafa valdið töfum á áframhaldandi leit af malasísku farþegaþotunni sem hófst að nýju í Suður-Indlandshafi í gær.

Ástralska skipið Ocean Shield er mætt aftur út á Suður-Indlandshaf til að halda áfram að leita að vélinni með sjálfvirka kafbátavélmenninu Bluefin-21 en skipið hefur sl. daga verið í landi til að sækja vistir.

Skipið kom á leitarsvæðið í gær en Bluefin-21 kom aftur upp á yfirborðið eftir aðeins 2 tíma í sjónum eftir að bilun kom upp en undir venjulegum kringumstæðum á kafbáturinn að vera í 16 klukkustundir við leit í hvert skipti áður en það snýr aftur upp á yfirborðið.

Leit mun halda áfram á hafsbotni á því svæði þar sem hljóðmerki greindust í sjónum sem talin eru hafa komið frá svörtu kössum vélarinnar en yfirvöld í Ástralíu segjast vera frekar sannfærð um að verið sé að leita á réttu svæði með tilliti til útreikninga sem gerðir voru út frá upplýsingum frá gervihnettinum Inmarsat-3.

Ástralska skipið Ocean Shield kom á leitarsvæðið í gær eftir að hafa sótt vistir til Ástralíu

Leit verður haldið áfram með Bluefin-21 þar til að búið verður að ganga frá samningum við einkaaðila sem verða fengnir til að framkvæma leit með kafbátabúnaði sem getur kafað á meiri dýpi en 4.500 metra sem er mest dýpt sem Bluefin-21 getur náð við kortlagningu á hafsbotninum.

Á meðan hafa sérfræðingar farið aftur vandlega yfir öll gögn frá gervitunglum til að ganga úr skugga um að leit hafi farið fram á réttu svæði.

Tæpar 10 vikur síðan að vélin hvarf

Á morgun verða komnar 10 vikur frá því að flug MH370 hvarf á leið sinni frá Kuala Lumpur til Peking og hefur ekkert spurst til vélarinnar, ekkert brak fundist á reiki á sjó og engar sannanir hafa enn komið fram um hvort að vélin hafi farist.

Fyrrverandi hershöfðinginn, Angus Houston, sem
stjórnar leitinni, var í ástralska hernum í 40 ár

Angus Houston mun stjórna leitaraðgerðum áfram frá samhæfingarmiðstöðinni í Perth en Houston er fyrrverandi hershöfðingi og hermaður og hefur að baki 40 ára reynslu af hermennsku.

Ríkisstjórn Ástralíu bað Houston um að fara fyrir leitinni að vélinni eftir að augun beindust að Suður-Indlandshafi og segir Houston að hann hefði ekki getað annað en að verða við þeirri bón - "Eftir allan þennan tíma í hernum þá er það bara skyldan sem kallar", segir Houston sem tekur fram að það sé mikil ábyrgð að stjórna aðgerðinni.

"Ég vona að við finnum flugvélina og ég er nokkuð viss um að við getum það á endanum", segir Houston.







  fréttir af handahófi

Fastjet sagt á barmi gjaldþrots

27. júní 2018

|

Afríska lágfargjaldafélagið Fastjet er sagt vera á grafarbakkanum og féllu hlutabréf félagsins í morgun í verði um heil 67 prósent eftir að stjórn félagsins tilkynnti að staða félagsins væri mjög slæ

Fyrsta árið verður erfitt fyrir Laudamotion

23. júlí 2018

|

Ryanair segir að fyrsta rekstrarárið hjá austurríska flugfélaginu Laudamotion verði mjög erfitt og er gert ráð fyrir að félagið muni tapa 18 milljörðum króna á þessu ári.

Sukhoi fraktþota í undirbúningi

3. júlí 2018

|

Rússneski flugvélaframleiðandinn Sukhoi vinnur nú að því að koma með fraktútgáfu af Sukhoi Superjet 100 þotunni sem til stendur að smíða.

  Nýjustu flugfréttirnar

Air Force Two á leið í andlitslyftingu

17. ágúst 2018

|

Boeing hefur fengið 16 milljónir bandaríkjadali, eða 1.7 milljarð króna, frá ríkistjórn Bandaríkjanna til þess að gera endurbætur á forsetaflugvélinni, „Air Force Two“, en Donald Trump, Bandaríkjafo

Stofnandi easyJet í mál við tvö flugfélög með svipuð nöfn

17. ágúst 2018

|

Stofnandi easyJet, Sir Stelios Haji-loannou, sakar nú flugfélag eitt í Hondúras um stuld á höfundarétti með því að nota nafn sem svipar of mikið til lágfargjaldafélagsins breska.

Ölvaður flugstjóri hjá Finnair stöðvaður fyrir brottför

17. ágúst 2018

|

Áfengi mældist í blóði hjá finnskum flugmanni sem mætti til starfa sl. miðvikudag á flugvellinum í Helsinki.

Flugmenn KLM hóta verkfalli

17. ágúst 2018

|

Flugmenn hjá hollenska flugfélaginu KLM Royal Dutch Airlines hóta því nú að leggja niður störf sín og hefja verkfallsaðgerðir líkt og hollenskir starfsbræður þeirra hjá Ryanair.

Komnar til Íslands eftir langt ferjuflug frá Flórída

16. ágúst 2018

|

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum

Flugumferðarstjóra sagt upp störfum vegna atviks

16. ágúst 2018

|

Flugumferðarþjónustan í Serbíu og Svartfjallalandi (SMATSA) hefur vikið flugumferðarstjóra úr starfi sem starfaði í flugturninum á flugvellinum í Belgrade vegna atviks þar sem tvær flugvélar flugu of

Laumufarþegi féll til jarðar í flugtaki í Venezúela

16. ágúst 2018

|

Laumufarþegi lét lífið í gær í Venezúela er hann féll til jarðar úr hjólarými á farþegaþotu sem var í flugtaki á Simón Bolívar flugvellinum í höfuðborginni Caracas.

Í mál við Ryanair vegna raskana á flugi í kjölfar verkfalla

15. ágúst 2018

|

Ryanair hefur fengið á sig lögsóknir vegna fjölda flugferða sem félagið hefur þurft að fella niður vegna verkfallsaðgerða flugmanna.

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er

Primera Air semur við danskan flugskóla um flugnámsleið

15. ágúst 2018

|

Primera Air hefur gert samning við danska flugskólann Center Air Pilot Academy (CAPA) í Roskilde um svokallað cadet-flugnám sem miðar af því að útskrifaðir atvinnuflugmannsnemar fái starf hjá flugfél