flugfréttir

MH370: Mjög umdeild gögn sem birt voru úr gervitunglinu í dag

- Segja að gögnin sanni að vélin hafi flogið til hins síðasta eldsneytisdropa

27. maí 2014

|

Frétt skrifuð kl. 22:42

Margir gagnrýna gervihnattargögnin sem voru birt í dag og segja einnig að margar upplýsingar vanti

Malasísk stjórnvöld, í samráði við breska gervihnattarfyrirtækið Inmarsat, birtu í fyrsta sinn í dag opinberlega óunnar upplýsingar frá gervihnettinum Inmarsat-3.

Þær upplýsingar voru notaðar í útreikninga sem gerðir voru sem sýndu fram á að malasíska farþegaþotan hafði flogið suður eftir Indlandshafi og farist vestur af ströndum Ástralíu.

Upplýsingarnar sem voru birtar í dag telja alls 47 blaðsíður en bæði fjölskyldur og aðstandendur þeirra sem voru um borð í vélinni og flugsérfræðingar segja að gögnin gefi ekki upp neinar nýjar upplýsingar um hvarf vélarinnar og segja margir að þær séu frekar ruglandi.

Stór hluti af gögnunum sína upplýsingar sem malasíska farþegaþotan gaf frá sér á meðan hún var enn á jörðu niðri á flugvellinum í Kuala Lumpur og ekki enn farin í loftið í hið örlagaríka flug.

Í gögnunum koma m.a. fram upplýsingar um þau svokölluðu "handshake" sem áttu sér stað er flugvélin og gervitunglið gáfu merki sín á milli sem staðfesti fjarsamband þeirra á milli. Þeir flugsérfræðingar, sem hafa lagst yfir gögnin segja að undarlegt sé að eitt af þeim "handshake" sem átti sér stað kl. 23:41 vanti í gögnin sem voru birt.

Skjáskot af hlut þeirra gervitunglaganga sem voru birtar í dag

Einnig er sagt að gögnin tilgreini ekki stöðu gervitunglsins yfir jörðu og fjarlægðina frá flugvélinni hverju sinni en þær upplýsingar eru mjög mikilvægar fyrir aðra sem ætla sér að spreyta sig á að reikna út leið vélarinnar.

Upplýsingar vantar í gögnin sem voru birt segja sérfræðingar

Tim Farrar, hjá fjarskiptafyrirtæki í Merlo Park í Kaliforníu, segir að þessar upplýsingar virðist renna stoðum undir þá útreikninga sem hafa verið gerðir. Margar samsæriskenningar hafa komið fram þar sem meðal annars hefur verið talið að malasísku farþegaþotunni hafi verið flogið til eyjunnar Diego Garcia en Farrar segir að þessar gervitunglaupplýsingar felli þá kenningu ef upplýsingarnar reynist réttar.

Richard Quest, fréttamaður á CNN, hefur meðal annars rætt um
gervihnatarupplýsingarnar í fréttum vestanhafs

Fjarskiptasérfræðingurinn Mischa Dohler segir að það sé enn mörgum spurningum ósvarað og enn séu margar upplýsingar sem ekki hafa verið birtar.

"Ég held að þessar upplýsingar muni ekki hjálpa neitt við að finna vélina. Það er mikilvægt að vélin finnst því annars vitum við aldrei hvað gerðist", segir Dohler.

Dohler segir einnig að Inmarsat verði að birta öll reikniritin og myndrænar upplýsingar svo aðrir óháðir aðilar geti reiknað út stöðu vélarinnar ef það var tilgangurinn með því að birta upplýsingarnar.

Aðstandendur gagnrýna birtingu gervitunglagagnanna

Aðstandendur og fjölskyldur sem áttu ættingja um borð gagnrýna birtingu á upplýsingunum og segja þær varpa engu ljósi á hvað gerðist þann 8. apríl. Fjölskyldur fara einnig fram á að fá allar upplýsingar um Boeing 777 vélina svo óháðir aðilar geti rýnt í þau gögn.

Wang Le, sem missti móður sína sem var um borð í vélinni, segist ekki geta séð hvaða tilgangi það á að þjóna að gera þessar upplýsingar opinberar þar sem um er að ræða of tæknilegar upplýsingar fyrir venjulegt fólk að skilja.

Steve Wang, sem átti ættingja um borð í vélinni, segir að nú krefjist fjölskyldur og aðstandendur að fá allar upplýsingarnar og líka þá útreikninga sem notaðir voru til að staðsetja farþegaþotuna og hvernig rannsóknarhópurinn fór að því að rekja för vélarinnar suður í Indlandshafi.

Sarah Bajc, unnusta Philip Wood, sem hefur mikið verið í viðtölum í fjölmiðlum eftir hvarf vélarinnar, segir að hún sé óánægð með að Inmarsat birti ekki allar upplýsingarnar ásamt þeirri aðferð sem var notuð sem sýndi fram á að vélin fórst í Indlandshafi.

Það þarf sérkunnáttu til að átta sig á upplýsingunum úr Inmarsat-3





Telja að eldsneytisskortur hafi ollið "síðasta merkinu"

Í fréttum The New York Times segir hinsvegar að upplýsingarnar renni enn frekari stoðum undir þá kenningu að vélin hafi farist í Suður-Indlandshafi og hafi hún flogið þar til eldsneyti vélarinnar var á þrotum.

Síðasta merkið ("handshake") sem kom frá vélinni kom ekki á venjulegum tíma eins og þau merki sem komu á klukkutíma fresti og er talið að um hafi verið að ræða það augnablik sem eldsneytið var að klárast sem olli truflun í rafkerfi vélarinnar sem sendi frá sér þetta síðasta merki til gervitunglsins ef marka má yfirlýsingu frá Samgönguöryggisnefnd Ástralíu.







  fréttir af handahófi

Afhendingar á ARJ21 þotunni frá COMAC hefjast að nýju

28. apríl 2020

|

Það hefur ekki borið eins mikið á að flugvélaframleiðendur hafi verið að afhenda nýjar farþegaþotur til viðskiptavina sl. vikur enda hefur flugiðnaðurinn orðið verulega fyrir barðinu á COVID-19 heim

Einn þekktasti listflugmaður Litháa lést í flugslysi

11. maí 2020

|

Einn reyndasti og þekktasti listflugmaður Litháa, Donaldas Bleifertas, lést sl. laugardag í flugslysi er flugvél af gerðinni Piper PA-38 Tomahawk, sem hann flaug, brotlenti skammt frá bænum Kena í L

Braathens gerir hlé á flugrekstri

7. apríl 2020

|

Sænska flugfélagið Braathens Regional Airlines (BRA) hefur sótt um greiðslustöðvun og ætlar félagið að gera hlé á rekstrinum og nota tímann í að endurskipuleggja allan rekstur félagsins á meðan heimsf

  Nýjustu flugfréttirnar

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin

Láta af hendi 48 lendingarpláss í Frankfurt og Munchen

1. júní 2020

|

Stjórn Lufthansa hefur samþykkt að uppfylla kröfur þýska ríkisins og láta af hendi lendingar- og afgreiðslupláss á flugvöllunum í Frankfurt og í Munchen í skiptum fyrir fjárhagsaðstoð upp á 9 milljar

Um 60.000 störf í hættu ef SmartWings fer í gjaldþrot

29. maí 2020

|

Óttast er að það gæti haft áhrif á allt að 60.000 störf sem eru í hættu ef tékkneska fyrirtækið SmartWings Group verður gjaldþrota en fyrirtækið á meðal annars flugfélagið Czech Airlines.

Kínversk flugfélög fljúga fleiri flugferðir en þau bandarísku

29. maí 2020

|

Fleiri flugferðir áttu sér stað í farþegaflugi í Kína í maí heldur en í Bandaríkjunum og er þetta í fyrsta sinn sem farþegaflugið í Kína nær farþegafluginu í Bandaríkjunum er kemur að fjölda flugferð

Lenti á lokaðri flugbraut til þess að komast á ströndina

29. maí 2020

|

Slökkvilið á herflugvelli í Wales í Bretlandi þurfti að hafa afskipti af flugmann einum sl. mánudag eftir að hann lenti flugvél sinni þrátt fyrir að flugvöllurinn var lokaður.

Umhverfisvænni aðferð prófuð til að aka flugvélum á Schiphol

28. maí 2020

|

Hollenska flugfélagið KLM Royal Dutch Airlines hefur hafið tilraunir með sjálfbæra tækni við akstur flugvéla á Schiphol-flugvellinum í Amsterdam.

EasyJet stefnir á að segja upp um þriðjung starfsfólks

28. maí 2020

|

Breska lágfargjaldafélagið easyJet segir að til standi að segja upp um 30 prósent af öllu starfsfólki á næstunni sem samsvarar 4.500 starfsmönnum og þá stendur einnig til að fækka flugvélunum í flot

American hætt við að sækja um gjaldþrotavernd

27. maí 2020

|

American Airlines er hætt við áform um að sækja um gjaldþrotavernd og greiðslustöðvun en Doug Parker, framkvæmdarstjóri félagsins, segir að eftirspurnin hafi verið að aukast sl. daga.

Bókanir hrúgast inn hjá Ryanair

27. maí 2020

|

Írska lágfargjaldafélagið Ryanair segir að gríðarleg fjölgun hafi átt sér stað í bókunum á síðustu dögum eftir að félagið tilkynnti um fyrirhugaða endurkomu og fjölgun flugferða eftir COVID-19 heimsf

 síðustu atvik

  2019-01-01 20:20:00