flugfréttir

Bresk kona telur sig hafa séð MH370 í ljósum logum er hún var á siglingu yfir Indlandshaf

3. júní 2014

|

Frétt skrifuð kl. 13:06

Katherine Tee um borð í skútunni á leið frá Indlandi til Taílands

Bresk kona telur sig hafa séð malasísku farþegaþotuna á flugi í ljósum logum skammt vestur af Malaysíu-skaganum, nóttuna sem vélin hvarf á leið sinni frá Kuala Lumpur til Peking.

Katherine Tee, sem er 41 árs, hefur verið á siglingu frá Cochina á Indlandi til Phuket í Taílandi á skútu ásamt eiginmanni sínum en þau lögðu af stað frá Indlandi þann 10. febrúar og komu þann 10. mars í höfn í Phuket.

Katherine var ein upp á dekki að horfa á stjörnurnar á meðan eiginmaður hennar var sofandi inn í bát þegar hún sá það sem hún telur hafa verið flugvél í ljósum logum.

"Ég var ein úti og maðurinn minn var sofandi inn í bát þegar ég sá eitthvað sem leit út eins og flugvél sem var alelda - eða það er það sem mér sýndist ég sjá - Þetta vakti athygli mína því ég hef aldrei séð svona áður. Þetta var eins og appelsínugult og skært eins og eldur og það var reykur sem fylgdi með", segir Katherine sem sagði að hún hefði einnig séð tvær aðrar flugvélar á næturhimninum en þessi hafi flogið töluvert lægra.

"Það voru tvær aðrar vélar á sama tíma að fljúga í öfuga átt. Þær vélar höfðu venjuleg ljós og ég hugsaði að ef þetta væri í alvöru eldur þá myndu hinar vélarnar sennilega tilkynna það".

"Hún kom aftan að okkur úr norðri en þegar ég leit aftur þá hafði vélin breytt um stefnu og haldið til suðurs frá okkur".

Frétti af malasísku farþegaþotunni tveimur dögum eftir hvarfið

Katherine sagði að hún hefði ekki sagt eiginmanni sínum frá þessu þar sem siglingin hefði tekið sinn toll af hjónabandi þeirra og þau varla talast við í viku en er þau komu í land í Phuket þann 10. mars þá fyrst frétti hún af malasísku farþegaþotunni. "Ég hélt að þetta myndi ekki breyta neinu að segja frá því sem ég sá því það voru þegar margir sem sögðust hafa séð flugvélina eða komið auga á hana á gervitunglamyndum og svo gerði ég ráð fyrir að þeir myndu ná að rekja vélina með GPS eða einhverju slíku".

"Mér datt ekki í hug einu sinni að senda út neyðarkall því þá liti ég út eins og auli ef það sem ég sá hefði verið ekkert merkilegt".

Sagði frá atvikinu fyrst á spjallsíðu um siglingar

Það var ekki fyrr en sl. laugardag að Katherine frétti af skipi sem var við leit af MH370 á Andaman-hafi að hún fór að skoða upplýsingar úr GPS-inum í bátnum en hún og eiginmaður hennar báru saman leiðin sem þau höfðu siglt við þá flugleið sem malasíska farþegaþotan átti að hafa tekið til vesturs út á Malacca-sundið.

Á meðfylgjandi mynd má sjá siglingarleiðina sem hún og eiginmaður hennar sigldu (græna línan) samanborið við flugleið malasísku vélarinnar (fjólubláa línan) en Katherine setti inn skjáskot af siglingarleiðinni úr GPS-tækinu á spjallsíðuna Cruise Forum sem er fyrir siglingarfólk.

Marc Horn, eiginmaður Katherine, birti siglingarleiðina þeirra sem hefur verið borin saman við slóð malasísku farþegaþotunnar

Kortið sýnir að hjónin voru á sama stað er malasíska vélin átti að hafa flogið yfir en ekki er enn fullvitað hvort þetta hafi verið nákvæmlega á sama tíma.

Yfirvöld komust að því að vélin hefði flogið þessa leið er upplýsingar voru skoðaðar úr frumratsjá malasíska flughersins og því næst var reiknað úr frá upplýsingum úr gervihnetti að vélinni hefði verið flogið því næst lengst suður í Indlandshaf.

Hjónin hafa sent skýrslu um málið til samhæfingardeild leitarinnar í Ástralíu en Katherine segir að hún vildi óska þess að hún hefði brugðist fyrr við.

Annað kort sem sýnir að leið bátsins og malasísku flugvélarinnar skárust um 150 kílómetra norður af Súmötru



Margir hafa sett sig í samband við Katherine eftir að hún birti frásögn sína en samkvæmt vefsíðunni Cruisers Forum eru margir sem hafa aðstoðað hana varðandi hvernig og við hvern væri best að setja sig í samband við.

"Ég hef allavega haft samband við viðeigandi yfirvöld - Ég trúi því ekki hverju ég sá svo afhverju ættu þeir að trúa því", segir Katherine sem vonast til að þetta gæti útskýrt eitthvað hvað gerðist.







  fréttir af handahófi

Þróun og smíði á Boeing 777-8 frestað

15. ágúst 2019

|

Boeing hefur tilkynnt að flugvélaframleiðandinn ætli að bíða með þróun og framleiðslu á Boeing 777-8 þotunni.

Fyrirmæli vegna möguleika á sprungum í vængjum á A380

8. júlí 2019

|

Flugmálayfirvöld í Evrópu (EASA) hafa gefið út fyrirmæli þar sem nokkrum flugfélögum er gert að framkvæma skoðanir á alls 25 Airbus A380 risaþotum í kjölfar þess að sprungur uppgötvuðust í væng á no

Stærsta slökkviliðsflugvél heims berst við eldana í Amazon

27. ágúst 2019

|

Stærsta slökkviliðsflugvél heims, Global SuperTanker, berst nú við skógareldana sem geisa í Amazon-frumskóginum en þotan er Boeing 747 júmbó-þota sem var breytt í sérstaka flugvél til að sinna slökk

  Nýjustu flugfréttirnar

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

Japan Airlines sektað um 37 milljónir vegna tveggja seinkana

16. september 2019

|

Samgönguráðuneyti Bandaríkjanna hefur sektað Japan Airlines um 37 milljónir króna vegna tveggja seinkana þar sem farþegar þurftu að bíða í meira en fjórar klukkustundir inni í flugvélum félagsins áðu

Síðasta flug Travolta með 707 til Ástralíu tefst vegna viðhalds

16. september 2019

|

Allt bendir til þess að ekki verði hægt að ferjufljúga Boeing 707 þotu John Travolta sem hugðist fljúga þotunni frá Bandaríkjunm til Ástralíu í nóvember og það í síðasta sinn.

Turkmenistan Airlines pantar Boeing 777-200LR

15. september 2019

|

Turkmenistan Airlines hefur fest kaup á einni Boeing 777-200LR þotu sem félagið á von á að fá árið 2021.

Fékk kvíðakast í aðflugi og yfirgaf stjórnklefann

15. september 2019

|

Flugmaður hjá easyJet yfirgaf flugstjórnarklefa á farþegaþotu eftir að hann fékk kvíðakast þegar vélin var að nálgast lokastefnu inn til lendingar á flugvellinum í Glasgow.

Missti kaffibollann og hellti kaffi yfir fjarskiptabúnað

12. september 2019

|

Rannsóknaraðilar í Bretlandi hafa komist að því að flugstjóri einn á Airbus A330 breiðþotu frá flugfélaginu Condor notaði ekki glasahaldara fyrir kaffibollann sinn sem varð til þess að hann hellti óv

FAA íhugar að fyrirskipa skoðun á hreyflum á A220

12. september 2019

|

Bandarísk flugmálayfirvöld (FAA) íhuga nú að fara fram á að ítarleg skoðun verði framkvæmd á hreyflum á Airbus A220 (CSeries) þotunum í kjölfar þriggja atvika sem hafa komið upp þar sem slökkva þurf

 síðustu atvik

  2019-01-01 20:20:00