flugfréttir

Telur að malasíska flugvélin hvíli á hafsbotni á 6.000 metra dýpi - í heilu lagi

- Byron Bailey, fyrrum atvinnuflugmaður, segir hvað gerðist sennilega ekki

3. desember 2014

|

Frétt skrifuð kl. 13:31

Byron Bailey, fyrrum atvinnuflugmaður, telur að malasíska flugvélin sé á hafsbotni - í heilu lagi

Malasíska farþegaþotan, flug MH370, sem hvarf þann 8. mars í vor, liggur að öllum líkindum á hafsbotni á um 6.000 metra dýpi - í heilu lagi.

Þetta segir Byron Bailey, fyrrum atvinnuflugmaður sem flogið hefur farþegaþotu af sömu gerð (Boeing 777) en hann skrifaði nýlega greinina "MH370: I Have Flown These Jets, Here’s What Probably Didn’t Happen" þar sem hann vill koma á framfæri sennilegustu hvað gerðist líklega ekki.

Bailey segir að það sé útilokað að vélin hafi flogið alla þessa leið, lengst suður í Indlandshafi og farist þar á sjálfstýringunni einni án þess að neinn hafi verið við stjórnvölin eða gripið inn í sem eru þær aðstæður sem rannsóknaraðilar telja sennilegasta orsökin. - "Vélin hefði ekki geta endað þar nema einhver hefði gripið inn í".

"Ef flugmenn vélarinnar og áhöfnin átti að hafa misst meðvitund sökum súrefnisskorts þá hefði vélin haldið áfram til Peking - Vélin hefði ekki sjálf tekið þessa beygju af leið til vinstri og síðan aftur niður í Suður-Indlandshafi", segir Bailey.

Blöskrar fréttaumfjöllun varðandi hvarf MH370

Byron Bailey blöskrar framkoma fjölmiðla sem skrifa um hvarf malasísku farþegaþotunnar án þess að hafa neina kunnáttu eða þekkingu varðandi farþegaþotur á borð við Boeing 777 sem býr yfir fly-by-wire kerfi sem gerir vélinni kleift að fljúga sjálfri nánast frá brottfararstað og alla leið á leiðarenda. - "Þrátt fyrir það er fólk sem hefur enga kunnáttu sem er að skrifa í fjölmiðla og þykist vita hvað varð af vélinni", segir Bailey.

"Flestir, sem vita frekar lítið um málið, hafa tjáð sig og dregið sínar ályktanir en ég mun hér fjalla um hvað gæti ekki hafa gerst", segir Bailey.

"Allar upplýsingar um flugleiðina eru settar inn í flugtölvuna (FMS) áður en hreyflarnir eru settir í gang - Sjálfstýringin er gerð virk strax eftir flugtak og eftir það hefði vélin átt að fljúga sjálft til Peking og hún hefði ekki breytt stefnu nema ef einhver grípur inn ".

Ef bilun hefði komið upp

"Boeing 777 hefur 80 tölvur og er þrefalt varakerfi bak við hvert kerfi sem fer í gang ef aðalkerfið bilar til að tryggja öryggi vélarinnar - Til að mynda eru þrjú fjarskiptakerfi, þrír transponderar (sem tengist flugturni), þrjár sjálfstýringar og þrjár flugtölvur (FMS)".

Ef bilun kemur upp í einu kerfi þá tekur varakerfi við sem er yfirleitt sjálfkrafa - Það þýðir að ef sendirinn fyrir flugumferðarstjórnina dettur út þá þyrfti einhver að aftengja öll þrjú kerfin. Einnig hefur verið rætt um rafmagnsbilun. Boeing 777 hefur fimmfalt rafkerfi, tvö kerfi fyrir hvern hreyfil og APU og einnig Ram Air Turbine (RAT) sem tengist vökvakerfinu og gefur rafmagn til þeirra kerfa í vélinni sem meiga alls ekki detta út.

Flugstjórnarklefi um borð í Boeing 777-200ER vél Asiana Airlines

Bailey segir að svo hafa komið margar kenningar varðandi flugrán - "Um borð voru tveir flugmenn og 14 flugliðar og engir farþegar lágu undir grun".

"Flugmennirnir gætu hafa yfirgefið stjórnklefann eftir flugtak með sjálfstýringuna virka og vélin hefði flogið sjálf á áfangastað - hún myndi ekki vafra um háloftin í stjórnleysi á meðan autopilot er virkur og það er ekki auðvelt að fljúga svona stórri farþegaþotu handvirkt í farflugshæð og gert er ráð fyrir að sjálfstýringin sé gerð virk í 400 feta hæð eftir flugtak".

Kenningar um súrefnisskort um borð

"Það hafa einnig verið kenningar á kreiki um að loftþrýstingur gæti hafa fallið niður - Áhafnir æfa yfirleitt viðbrögð við því er loftþrýstingur fellur niður á sex mánaða fresti og er farið yfir allar þær helstu aðstæður sem upp geta komið - Malaysian Airlines hefur gott orðspor og eru áhafnir félagsins mjög vel þjálfaðar og er farið eftir þjálfunarkerfi sem er viðurkennt af Boeing".

"Ef slíkar aðstæður koma upp og súrefnisskortur gerir vart við sig setja flugmenn og áhafnameðlimir á sig súrefnisgrímu strax, láta flugturn vita um leið og lækka flugið niður í lægri flughæð".

Eldur um borð

"Hvað ef eldur eða reykur kom upp um borð í vélinni? - Enn og aftur þá eru viðbragðsáætlun tiltæk hjá Boeing varðandi það óyfirsjáanlega er varðar eldsupptök og reyk um borð og samt myndu flugmennirnir hafa látið flugturn vita.

Bailey segir að það sé ekki möguleiki að sprengja hafi verið um borð í vélinni þar sem mjög ólíklegt er að vélin hefði flogið í margar klukkustundir eftir sprengjutilræði.

"Þá hafa þessir "sérfræðingar" sagt að vélin gæti hafa flogið hægar en talið var eða hægt á ferð sinni - það er þvæla", segir Bailey - "Boeing 777 er mjög stór þota og hefðbundin farflugshraði vélarinnar er Mach 0.84 (905 kílómetra hraði á klukkustund) og lágur farflugshraði er Mach 0.82 - Allt hægara en það myndi auka drag vélarinnar", segir Baily sem blæs á þær kenningar að vélin hafi flogið eitthvað hægara en eðlilegt er.

"Boeing 777 er mjög stór vél og ég hef trú á því að vélin sé í heilu lagi á 6.000 metra dýpi - Þrjú skip með sónarbúnað eru nú að leita að henni að þeir hafa núna fundið heystakkinn þannig það næsta er að finna nálina - ef við leitum nógu lengi þá mun hún finnast".

"Þótt að flugmennirnir hefðu yfirgefið stjórnklefann rétt eftir flugtak eða eitthvað komið fyrir þá og áhöfnina, þá hefði vélin flogið sjálf á áfangastað", segir Baily.

Byron Bailey er frá Sydney er hann einn af reyndustu flugmönnum í Ástralíu en hann var flugstjóri hjá Emirates og flaug hann Boeing 777 með 25.000 flugtíma að baki.







  fréttir af handahófi

Boða aðgerðir gegn gjaldþroti meðal flugfélaga

14. október 2019

|

Ríkisstjórn Bretlands ætlar að fara að stað með aðgerðir er kemur að gjaldþrotum meðal flugfélaga og stendur til að kynna nýja löggjöf sem mun auðvelda gjaldþrotaferli og aðgerðir er snúa að því að k

Fyrsta A350 þotan fyrir SAS flýgur fyrsta flugið

7. nóvember 2019

|

Fyrsta Airbus A350 þotan fyrir SAS (Scandinavian Airlines) hóf sig á loft í gær er hún fór í sitt fyrsta tilraunaflug áður en hún verður afhent til félagsins.

Vottunarflug 737 MAX gæti átt sér stað snemma í október

26. ágúst 2019

|

Vottunarflug Boeing 737 MAX gæti átt sér stað strax í byrjun október ef marka má heimildir aðila sem starfar innan Boeing en um er að ræða það flug sem á að færa þotunum lofthæfisvottun að nýju og gæ

  Nýjustu flugfréttirnar

Lækka verð á notaðri Boeing 757 þotu um helming

14. nóvember 2019

|

Nepal Airlines hefur ákveðið að slá af verðinu um helming á seinni Boeing 757 þotunni sem félagið reynir nú að selja en tvisvar frá því í sumar hefur félagið reynt að selja vélina en án árangurs.

Hvetja Þjóðverja til þess að hætta að fljúga

13. nóvember 2019

|

Hundruðir tóku þátt í friðsamlegum mótmælum á flugvellinum í Frankfurt sl. mánudag þar sem flugsamgöngum var mótmælt með loftslags- og umhverfismarkmið að leiðarljósi.

BelugaXL fær vottun frá EASA

13. nóvember 2019

|

BelugaXL, nýja flutningaflugvél Airbus, hefur fengið flughæfnisvottun frá evrópskum flugmálayfirvöldum (EASA) en 16 mánuðir eru frá því að fyrsta BelugaXL þotan flaug sitt fyrsta flug.

Mooney hættir starfsemi og segir upp öllu starfsfólki

13. nóvember 2019

|

Flugvélaframleiðandinn Mooney Aircraft Company hefur hætt starfsemi sinni eftir 90 ára rekstur og hefur næstum öllu starfsfólki verið sagt upp.

Lufthansa nær sáttum við flugfreyjur og flugþjóna

13. nóvember 2019

|

Engar frekari verkfallsaðgerðir eru framundan eftir að Lufthansa náði samkomulagi við þýska verkalýðsfélagið UFO sem fer fyrir flugfreyjum og flugþjónum félagsins.

MD-11 þota fékk gæsir í alla þrjá hreyflana

12. nóvember 2019

|

Fraktþota af gerðinni McDonnell Douglas MD-11 frá UPS (United Parcel Service) þurfti að snúa við skömmu eftir flugtak frá flugvellinum í Kansas City í seinustu viku eftir að vélin flaug í gegnum hóp

Meðvindur og slæm bremsa orsök þess að þota rann út af

12. nóvember 2019

|

Flest bendir til þess að meðvindur í lendingu og slæm bremsuskilyrði hafi verið orsök þess að farþegaþota af gerðinni Embraer ERJ-145 frá American Eagle rann út af braut skömmu eftir lendingu á O´Har

FAA lækkar öryggisstuðul Malasíu niður í 2. flokk

12. nóvember 2019

|

Bandarísk flugmálayfirvöld (FAA) hafa lækkað flugöryggisstuðul hjá flugmálayfirvöldum í Malasíu niður í 2. flokk sem þýðir að takmarkanir verða settar á nýjar flugleiðir frá Malasíu til Bandaríkjanna

FAA lætur loka fyrirtæki sem seldi skynjara fyrir 737 MAX

11. nóvember 2019

|

Bandarísk flugmálayfirvöld (FAA) hafa látið loka fyrir starfsemi bandaríska fyrirtækisins Xtra Aviation, fyrirtækið sem seldi áfallshornsskynjara fyrir Boeing 737 MAX þoturnar og þar á meðal til indó

Flugfélag sektað um 8 milljónir fyrir að spila tónlist um borð

11. nóvember 2019

|

Rúmenska flugfélagið Blue Air þarf að greiða 8.7 milljónir króna í sekt fyrir að hafa spilað tónlist um borð í farþegarýminu fyrir farþega fyrir brottför og eftir lendingu.

 síðustu atvik

  2019-01-01 20:20:00